- Detalles
- Escrito por Alicentis
- Categoría: Desenvolvemento local
- Visitas: 1047
Marta, en infantil; Anna Mourelle, en primaria; e Paula Pais, en secundaria, son as gañadoras do concurso de postais de Nadal organizado polo Concello da Baña. Cada unha delas recibirá como premio un agasallado relacionado coas artes gráficas, mentres que as creacións destas pequenas artistas empregaranse para felicitar estas festas e desexar un ventureiro aninovo a toda a veciñanza.
Aberto a todo o alumnado dos centros educativos ubicados na Baña, o concurso convidaba ás crianzas a presentar un deseño gráfico da súa autoría acompañado dunha felicitación en galego.
O xurado, vencellado á educación, á plástica e á lingua, escolleu os traballos que considerou máis representativos en tres categorías distintas, establecidas segundo a idade dos participantes.
- Detalles
- Escrito por Alicentis
- Categoría: Desenvolvemento local
- Visitas: 1087
O Instituto de Crédito Oficial (ICO) converteuse nun dos eixes das garantías do Estado aos créditos concedidos polos bancos a autónomos e ás pemes afectadas pola crise da covid-19, pero tamén están as sociedades de garantía recíprocas (SGR), que lanzaron paquetes de garantías e axudas. Contan cunha liña especial de apoio da Compañía Española de Reafianzamento (CERSA) que dá un 75% de cobertura ás operacións de garantía para financiamento das empresas afectadas.
A Xunta de Galicia, a través do Igape, pon tamén a disposición de pemes e autónomos unha liña de financiamento para inxectar liquidez e poder facerlle fronte ás consecuencias provocadas pola situación de emerxencia sanitaria, ofrece apoios para atender as necesidades máis inmediatas, como pode ser o pago de salarios, facturas, alugueiros ou impostos.
Este programa instruméntase a través dun convenio de colaboración da Xunta de Galicia no que participan as sociedades de garantía recíproca (SGR) Afigal e Sogarpo. Con este acordo, o Igape reavalará ata un máximo do 25% do risco asumido polas SGR como primeiras avalistas, polo que o límite de garantía conxunta, sumada á que ofrece o Estado a través do Cersa, pode acadar ata o 80% das operacións.
Máis información:
- Detalles
- Escrito por Alicentis
- Categoría: Desenvolvemento local
- Visitas: 992
A sesión formativa sobre o uso e acceso á sede electrónica municipal prevista para o mes de marzo no Concello da Baña vén de suspenderse, debido á cancelación deste proxecto formativo por parte da Deputación da Coruña.
- Detalles
- Escrito por Alicentis
- Categoría: Desenvolvemento local
- Visitas: 1452
A Axencia de Desenvolvemento Local da Baña publica unha guía con algunhas das consultas máis frecuentes sobre subsidios para persoas desempregadas, derivadas da actual crise sanitaria, na que non hai asistencia presencial no SEPE e se están a producir suspensións de contratos.
Para consultas ou dúbidas relacionadas con esta información, a Axencia de Desenvolvemento Local da Baña atende no teléfono 682 859 367, de luns a venres, de 10 a 14 horas.
RENOVACIÓN DA DEMANDA DE EMPREGO:
NON É NECESARIA A SÚA RENOVACIÓN ATA O VINDEIRO 30 DE ABRIL.
PERSOAS AFECTADAS POR UN ERTE:
- Non teñen que presentar solicitude de prestación por desemprego. A empresa farase cargo do trámite.
- Recoñéceselles o dereito á protección contributiva por desemprego ás persoas afectadas por ERTES aínda que carezan do período de ocupación cotizada mínimo.
- Teñen dereito todos os traballadores, incluídos os temporais.
- Se estaba a traballar en dúas empresas a tempo parcial e nunha delas entra en ERTE, pode acceder á prestación por desemprego, pero da cantidade que vai percibir descóntase a parte proporcional no tempo que traballa na empresa na que permaneza en activo.
- Se o ERTE veu motivado por causas económicas, técnicas, organizativas ou de produción, cobrarase a prestación dende o día seguinte a aquel no que o empresario adoptara a decisión.
- Se o ERTE veu motivado por causas de forza maior, cobrarase a prestación dende o día seguinte a aquel no que tivese lugar o feito causante da forza maior.
SITUACIÓN DE DESEMPREGO NON MOTIVADA POR UN ERTE:
- Durante o estado de alarma os prazos de presentación de solicitudes están suspendidos.
NON SE INTERRUMPIRÁ o pago dos subsidios pola falta de presentación da declaración anual de rendas (DAR) no caso dos beneficiarios de subsidios para MAIORES DE 52 ANOS.
NON HAI que renovar os subsidios de periodicidade semestral.
SUBSIDIO PARA PERSOAS EMPREGADAS DO FOGAR
- Terán dereito todas aquelas persoas empregadas do fogar que estivesen dadas de alta na Seguridade Social antes da entrada en vigor do estado de alarma e que deixaran de prestar servizos nun ou en varios domicilios, total ou parcialmente, ou aquelas que foran despedidas durante a crise sanitaria.
SUBSIDIO EXCEPCIONAL POR FIN DE CONTRATO TEMPORAL
- Poderán percibilo as persoas traballadoras que tivesen un contrato temporal de polo menos 2 meses de duración e que finalizase despois da entrada en vigor do estado de alarma, e que non conten con cotizacións suficientes para acceder a outro tipo de prestacións ou subsidios.
NON SE ESIXIRÁ a acreditación da busca activa de emprego na solicitude do subsidio extraordinario ou renda activa de inserción.
SE PRECISA OBTER INFORMACIÓN OU SOLICITAR UNHA PRESTACIÓN OU SUBSIDIO CONTACTE CO SEPE:
https://sede.sepe.gob.es/contenidosSede/generico.do?pagina=proce_ciudadanos/cita_previa.html
TLFS.: 900 812 400 - 901 119 999
Se dispón de DNI electrónico, certificado dixital ou usuario cl@ve pode:
- presentar a solicitude e / ou obter o recoñecemento da prestación contributiva no momento
Se NON dispón de DNI electrónico, certificado dixital ou usuario cl@ve pode:
- solicitar unha cita previa telematicamente para ser atendido polo SEPE
- enviar un formulario de pre-solicitude individual, tras o cal un xestor do SEPE contactará con vostede para tramitar a solicitude da prestación contributiva coa maior brevidade posible
SE TEN QUE REALIZAR CALQUERA OUTRO TRÁMITE URXENTE NA SÚA DEMANDA DE EMPREGO OU SOLICITAR UN CERTIFICADO OU INFORME PODERÁ FACELO NA SÚA OFICINA DE EMPREGO:
Este enderezo de correo está a ser protexido dos robots de correo lixo. Precisa activar o JavaScript para velo.
TLF.: 881 867 306
ADEMAIS, DENDE A DIRECCIÓN XERAL DE XUVENTUDE DA XUNTA DE GALICIA OFÉRTASE A POSIBILIDADE DA INSCRICIÓN ON-LINE NO SISTEMA NACIONAL DE GARANTÍA XUVENIL:
http://xuventude.xunta.es/component/k2/item/18612-garantia-xuvenil
 Información emprego | [Información emprego] | 149 kB |
- Detalles
- Escrito por Alicentis
- Categoría: Desenvolvemento local
- Visitas: 857
O GDR Terras de Compostela, do que forma parte o Concello da Baña, organiza unha xornada de sensibilización sobre o SICTED (Sistema integral de calidade turística española en destino) dirixida ás empresas, establecementos e colectivos do sector turístico. O obxectivo desta actividade é dar a coñecer a todos os interesados a metodoloxía do proxecto e presentar os beneficios deste sistema de calidade, animándoos a integrarse e participar. A xornada desenvolverase o martes 4 de febreiro ás 10.00 h na sede do GDR Asociación Terras de Compostela, situada en San Xián de Sales (Vedra).
Terras de Compostela conta co recoñecemento de destino turístico SICTED, un proxecto de mellora da calidade en destinos turísticos promovido pola Secretaría de Estado de Turismo e a Federación Española de Municipios e Provincias (FEMP). No ano 2019, a raíz do programa formativo impartido polo GDR Terras de Compostela, 9 establecementos da zona distinguíronse co selo SICTED.
A xornada está orientada a informar aos diferentes colectivos do sector turístico: hoteis, restaurantes, empresas alimentarias visitables, museos, centros de interese turísticos, axencias de viaxes, oficinas de turismo, etc. Para participar é preciso confirmar asistencia antes do 30 de xaneiro (Este enderezo de correo está a ser protexido dos robots de correo lixo. Precisa activar o JavaScript para velo.).