20191017 foto Gañadora Concurso Fotografia fbO proxecto “A Baña Dixital” organizou un concurso de fotografía e vídeo dirixido a persoas de entre 14 e 30 anos, co fin de poñer en valor o patrimonio histórico e cultural da Baña. Pasado o prazo de presentación de materiais e a posterior reunión dos membros do xurado profesional, a fotografía ‘As bailas do cruce’ fíxose co título de gañadora e co premio de 100 euros.

Javier Iglesias Ramos, Carme Pereiro e Eutropio Rodríguez foron os encargados de xulgar a multitude de imaxes e vídeos que se presentaron nesta primeira edición do concurso, mais fallaron de forma unánime que ‘As bailas do cruce’ tiña que ser a galardonada “porque fala do patrimonio material e inmaterial do municipio, ademais de contar unha historia”. Segundo estes tres expertos en fotografía, “é unha imaxe de grande sensibilidade e de dominio do medio fotográfico, pero sobre todo de moito interés conceptual e teórico lindando xa no campo da arte contemporánea”.

Por iso e pola posta en valor do patrimonio paisaxístico e industrial do Concello da Baña, Uxía, a autora da fotografía, recibirá un premio de 100 euros.

20191017 Aviso TDT AlcaldeO Concello da Baña informa de que a cobertura da televisión dixital terrestre (TDT) pode verse afectada polas redes 4G das operadoras de telefonía móbil que ocasionan cortes no sinal.

Para resolver estas perturbacións na recepción do sinal, pódese solicitar a instalación dun filtro na antena, sen custo ningún, chamando ao 900 833 999 de xeito gratuíto.

Estas incidencias, no 90% dos casos, soluciónanse coa instalación deste filtro, a non ser que a causa sexa doutro motivo.

20190930 MocidadeA Xunta de Galicia, a través da Dirección Xeral de Xuventude, Participación e Voluntariado da Consellería de Política Social, coa colaboración dos socios do proxecto Lidera, pon en marcha “Mocidade: Encontro da xuventude creativa e emprendedora Galicia – Norte de Portugal”, un espazo de formación, creatividade, emprendemento, cultura e lecer que permitirá establecer sinerxías, compartir experiencias, proxectos e ideas, e impulsar a xuventude no seu desenvolvemento persoal e profesional.

O encontro ten como obxectivo promover e estimular a creatividade e o espírito emprendedor da mocidade galega e portuguesa a través dun espazo aberto á participación, ao tempo que fortalecerá os lazos de cooperación transfronteiriza Galicia – Norte de Portugal, especialmente en temas que melloren a empregabilidade da xuventude.

“Mocidade” promoverá o diálogo entre os participantes galegos e portugueses, pero tamén busca asentarse como un evento de referencia para os mozos e mozas grazas a unha programación multidisciplinar, moderna e á vangarda das novas correntes e sectores emerxentes.

A inscrición neste evento, totalmente gratuíto, dará acceso a todas as mesas redondas, charlas e dinámicas do evento, aos concertos musicais, así como ao aloxamento e manutención durante os tres días do encontro.

Trátase dunha actividade enmarcada no proxecto “Catalizador de oportunidades de emprego e emprendemento xove transfronteirizo” (acrónimo Lidera), aprobado ao abeiro do programa Interreg V A España Portugal 2014-2020 (POCTEP) e que ten como obxectivo promover o desenvolvemento económico transfronteirizo a través das capacidades laborais e de emprendemento dos mozos e mozas do territorio.

Datas de realización: do 25 ao 27 de outubro de 2019.

Lugar de realización:

Museo Centro Gaiás
Monte Gaiás, s/n
15707 Santiago de Compostela
A Coruña

Persoas destinatarias: mozos e mozas galegas de entre 18 e 30 anos de idade

Prazas ofertadas: 400

Prazo de inscrición: do 30 de setembro ao 17 de outubro de 2019

Inscrición: será a través de formulario electrónico

Adxudicación: as prazas asignaranse por estrita orde de inscrición

Para máis información, consulta a páxina web da Dirección Xeral de Xuventude.

20191009 Cartel curso cociña fbO concello da Baña organiza un curso co fin de poñer en valor a gastronomía galega. “Cociñando saúde” levarase a cabo no local social do Barro a partir do 30 de outubro e terá unha duración total de 30 horas, repartidas en 4 horas semanais durante mércores alternos. A inscrición farase nas oficinas da casa consistorial e terá un custo de 30 euros.

Para máis información, as persoas interesadas poden chamar ao 981 886 501.

O Concello da Baña informa de que vai permanecer exposto ao público o Censo Electoral das Eleccións as Cortes Xerais do 10 de novembro, desde o 30 de setembro ata o 7 de outubro, nas oficinas xerais da Casa do Concello, para que calquera persoa poida de maneira persoal consultalo en horario de 09.00 a 14.00 horas, sempre que presente un documento identificativo (DNI, Pasaporte...).