20190830 ALI8329

Medio cento de nenos e nenas da Baña remataron hoxe o campamento urbano no que estiveron gozando e aprendendo durante todo este mes de agosto. Despois de numerosas actividades e visitas, a ‘Fantasía musical’ de Jorge e María poñía esta mañá o punto e final a unha actividade na que, hoxe, tamén participaron moitas das familias do programa Apego.

A ‘Fantasía das palabras’ foi o libro que María lles recomendou ler na biblioteca á cativada presente esta mañá de Agra de Chans, durante a festa de clausura do campamento urbano cun espectáculo no que a música, as fadas e as palabras foron as protagonistas.

Durante o mes de agosto o medio cento de nenos e nenas maiores de 3 anos que participaron no campamento urbano puideron coñecer a casa consistorial e visitar o salón de plenos e tamén a biblioteca. Noutras das xornadas foron visitar a minicentral, e tamén a explotación gandeira dos irmás Iglesias Vigo en Vilar de Suso (Lañas) ademais do taller do ferreiro, no que Diego Paredes lles explicou os pormenores deste oficio. Outro dos días recibiron a visita de membros de Cadelar, unha organización que lles ensinou a coidar e respectar aos cans. A festa da auga e moitas máis actividades farán do mes de agosto algo inesquecible para moitos dos nenos e nenas participantes.

Outra semana de campamento

O vindeiro luns, 2 de setembro, comeza unha nova edición do campamento urbano coa intención de facilitar a conciliación familiar e laboral durante a primeira semana de setembro. Os 21 nenos e nenas inscritos poderán gozar de numerosas actividades ata o día 6, antes de que comece o curso escolar 2019-2020. Entre as visitas programadas están as que se farán á escola de música e ao muíño de Nantón. Haberá un obradoiro de pasta de sal, a visita de membros da Fundación de discapacitados da comarca de Barcala.

Álbum de fotos no Facebook do Concello da Baña, neste enlace (preme aquí). 

20190830 ALI8308

20190907 Cartel Ruta Romanico GrandeO Concello da Baña organiza o vindeiro sábado 7 de setembro, xunto a Negreira e Val do Dubra, unha visita guiada pola Ruta do Románico da Barcala e Dubra. Esta actividade promovida pola Deputación da Coruña desenvolverase na mañá do día acordado e levará as participantes ata catro exemplos do románico galego presentes nestes municipios, como son as igrexas de Santa María de Paramos, Santa Baia de Lañas, Santa María de Portor e San Pedro de Gonte.

Os Concellos da Baña, Negreira e Val do Dubra xa están preparados para emprender a Ruta do Románico do vindeiro día 7 de setembro, que consistirá en realizar visitas guiadas polas igrexas románicas de Santa María de Paramos, Santa Baia de Lañas, Santa María de Portor e San Pedro de Gonte. Para o traslado dun templo a outro habilitarase un autobús, mais quen o prefira poderá desprazarse pola súa conta.

As participantes que vaian utilizar o servizo de transporte deben saber que o horario de saídas é ás 9.30 horas do Centro de Saúde de Negreira, ás 9.45 da parada de autobús do Seilán (A Baña) e ás 10.00 horas da Igrexa Parroquial de Paramos (Val do Dubra). Ao finalizar a ruta, o autobús repetirá o percorrido para deixar as participantes no seu lugar de procedencia.

As persoas interesadas poden inscribirse de xeito gratuíto ata o venres 6 de setembro ás 14.00 h chamando ao teléfono 650 79 69 56 ou na caseta de turismo de Negreira, situada na Avenida de Santiago, no horario de 11.00 a 14.00 horas e de 16.00 a 19.00 horas. As prazas para asistir á ruta no autobús son limitadas.

20190816 Transporte Escolar

O Concello da Baña pon a disposición dos adolescentes que vaian cursar Bacharelato ou algún ciclo de formación profesional nos institutos e Negreira ou Santa Comba durante o curso 2019-2020 un servizo de transporte para facilitarlles os desprazamento ata os centros escolares.

As familias bañesas que desexen utilizar este servizo deberán poñerse en contacto canto antes coa concellaría de Cultura para comunicar os datos pertinentes e facilitar a organización do transporte para todas as persoas interesadas.

WhatsApp Image 2019 08 26 at 10.12.534

Tras o éxito acadado nas actividades de conciliación familiar do verán 2019, o Concello da Baña organiza un novo campamento urbano para a primeira semana de setembro, sumándoo así ao xa rematado campamento lúdico-deportivo do mes de xullo e ao que aínda está a desenvolverse durante estes días na área recreativa de Agra de Chans.

Esta nova actividade levarase a cabo entre os días 2 e 6 de setembro (ambos incluídos) en horario de 8.30 a 14.00 horas, tamén na Agra de Chans, e estará dirixida a mozos e mozas que teñan entre 3 e 14 anos

As interesadas poderán inscribirse na casa do concello e aboarán os 10 euros correspondentes por cada neno que custa o campamento.

20190808 Camapamento Bergantiños

O Concello da Baña organizou un campamento en Cabana de Bergantiños para os veciños e veciñas de entre 8 e 16 anos durante a semana, do 29 de xullo ao 4 de agosto. Tras pasar uns divertidos días gozando de actividades lúdico-deportivas na localidade costeira, a cativada xa está de volta e cunha morea de experiencias novas para o recordo.

Os 22 rapaces e rapazas da Baña que se trasladaron xunto a 4 monitores a Cabana de Bergantiños xa están na casa. Este campamento organizado polo Concello contou con actividades de todo tipo como piragüismo, tiro con arco, obradoiros de pulseiras e atrapasoños, rutas de sendeirismo por Ponteceso e mutitude de xogos variados na praia, así como veladas nocturnas cargadas de sorpresas para os participantes e a gravación dunha parodia dun videoclip.