ImagenDOGA Consellería de Educación, Universidade e Formación Profesional fai pública a orde do 29 de novembro de 2019 pola que se convoca o proceso de acreditación de competencias profesionais adquiridas a través da experiencia laboral en Galicia, en determinadas unidades de competencia do catálogo nacional de cualificacións profesionais. 

Para acceder a este procedemento, os candidatos e as candidatas deberán cumprir os requisitos seguintes:

  1. Posuír a nacionalidade española; atoparse incluído como residente comunitario ou familiar deste, no ámbito da aplicación do Real decreto 240/2007, do 16 de febreiro, sobre entrada, libre circulación e residencia en España de cidadáns da UE; ou ser titular dunha autorización de residencia en España en vigor.
  2. b) Ter feitos 18 anos, no momento de realizar a inscrición, para as unidades de competencia correspondentes a cualificacións de nivel 1, e 20 anos para as unidades de competencia de nivel 2 e 3.
  3. c) Ter experiencia laboral e/ou formación relacionada coas competencias profesionais que se queiran acreditar.

c.1) No caso de experiencia laboral, xustificaranse polo menos tres (3) anos, cun mínimo de 2.000 horas traballadas, nos últimos dez anos transcorridos antes de realizarse a convocatoria, para unidades de competencia de niveis 2 e 3; para unidades de competencia de nivel 1 xustificarán, cando menos, 2 anos cun mínimo de 1.200 horas traballadas en total.

c.2) No caso de formación, xustificaranse polo menos 200 horas para unidades de competencia de nivel 1 ou 300 horas para as unidades de competencia dos niveis 2 e 3, nos últimos dez anos transcorridos antes de realizarse a convocatoria. Nos casos en que os módulos formativos asociados ás unidades de competencia que se pretendan acreditar prevexan unha duración inferior, deberanse acreditar as horas establecidas nestes módulos.

  1. d) As persoas candidatas non poderán estar matriculadas nun curso de formación profesional inicial (ordinario ou modular) ou realizando formación profesional para o emprego, conducente á acreditación das unidades de competencia nas cales solicita a súa inscrición. Tampouco poderán posuír ou estar en condicións de obter un título de formación profesional ou un certificado de profesionalidade que conteña a/s unidade/s de competencia que solicita, nin as súas equivalentes ou a acreditación parcial das unidades de competencia que solicita. Ademais, non poderán estar inscritas noutro procedemento de recoñecemento da experiencia profesional, ou nas probas libres para a obtención do título de formación profesional.

 

A solicitude de participación no procedemento deberá presentarse obrigatoriamente por vía electrónica na sede electrónica da Xunta de Galicia (https://sede.xunta.gal).

O prazo de presentación de solicitudes será desde o 13 de xaneiro ao 7 de febreiro de 2020, ambos os dous incluídos.

Mercadiño Nadal 2018 ABaña WebMercar os agasallos para estas festas, comprar artesanía, gastronomía ou algún produto natural son algunhas das cousas que poderán facer este domingo 15 de decembro aquelas persoas que se acheguen ao Mercadiño de Nadal da Baña, que se vai celebrar a partir das doce do mediodía no polideportivo de San Vicenzo. Haberá postos de comida, polbeiro e moitas atraccións. Despois de dous espectáculos para público familiar chegará Papá Noel co seu saco cargado de ilusión, unha visita que sen dúbida será un dos principais atractivos da xornada.

Ante a previsión de chuvia para esta fin de semana, o Concello da Baña decidiu celebrar o Mercadiño de Nadal no polideportivo de San Vicenzo, en lugar de na Praza do Concello como ocorreu en edicións anteriores. Así, o pavillón abrirá as súas portas desde as doce do mediodía ata as sete da tarde para recibir á veciñanza e aos visitantes que se acheguen a ver e comprar os produtos típicos destas datas. Tamén haberá música, postos de comida e un polbeiro.

Xa na sobremesa chegará o momento de gozar con dous espectáculos dirixidos a público familiar. O primeiro, o Autoestopista intergaláctico de Aitor Garuz, terá lugar ás 15.30 horas. A seguir chegará o ilusionista Martín Camiña, quen a partir das 17.00 horas engaiolará ao público cos seus trucos de maxia e co seu humor.

Pero sen dúbida a visita máis esperada da xornada será a de Papá Noel, que escoitará atentamente as peticións de pequenos e maiores a partir das 18.00 horas no polideportivo.

I Andaina Solidaria Concello da Baña

Por outra banda, o Concello da Baña decidiu adiar ao 22 de decembro a celebración da Andaina solidaria, programada tamén para este domingo, pola previsión de mal tempo. Para participar nesta andaina é necesario achegar algún produto alimentario non perecedoiro ou de hixiene persoal, que se destinará ao Banco de Alimentos da Coruña. As inscricións poden facerse no Concello da Baña, vía telefónica (669 368 413) ou no formulario en liña https://forms.gle/BUTSzSzaNX4Zjg2j9.

A saída da andaina darase ás 10.00 horas dende a Praza do Concello. Así mesmo, no departamento de Servizos Sociais, na casa consistorial, estará habilitado un espazo para que todas aquelas persoas que desexen colaborar co Banco de Alimentos da Coruña poidan depositar alí alimentos non perecedoiros ou produtos de hixiene persoal, aínda que non teñan previsto participar na andaina.

Brincanadal webA Concellaría de Educación e Cultura da Bañan ven de organizar o programa de conciliación familiar para as vindeiras vacacións escolares. No programa Brincanadal poderán participar nenos e nenas de 3 a 12 anos que se inscriban a partir do luns, 9 de decembro.

Brincanadal inclúe obradoiros e diferentes actividades que se van celebrar no local social da Baña entre os días 23 e 31 de decembro e o 2 e 3 de xaneiro, entre ás 09.00 e as 14.00 horas. As actividades tamén se van realizar os días de 24 e 31 de decembro, Noiteboa e Noitevella.

As familias interesadas en participar deberán inscribir as súas crianzas a partir do vindeiro luns, 9 de decembro, na Concellaría de Cultura. O prezo destas actividades é de 20 euros para os nenos e nenas empadroadas na Baña e de 35 para os non empadroados.

20191209 portas abertas LanhasA Escola Infantil de Lañas organiza o vindeiro 20 de decembro, venres, unha xornada deportas abertas para que as familias con crianzas menores de 6 anos poidan coñecer a oferta educativa e as instalacións deste centro, que dende o mes de xuño está integrado no Colexio Rural Agrupado (CRA) Coristanco-Santa Comba, con outras seis unitarias destes municipios.

Os actos organizados polo Concello da Baña comezarán ás11.15 horas coa benvida ás persoas asistentes, para, un cuarto de hora despois, comezar unha sesión de contacontos con Trinketrinke Teatro. A partir das 12.30 horas haberá unha visita guiada polas instalacións.  A xornada rematará sobre as 13.30 horas.

Actualmente, na Escola Infantil de Lañas estudan seis nenos e nenas que cursan educación infantil.

20191122 183918Familias de Apego e membros da Fundación para a Protección de Discapacitados Psíquicos da Comarca de Barcala compartiron unha sesión de contacontos, o pasado venres 22 de novembro na casa de cultura da Baña, como forma de fomentar a integración social. Unha canción serviu como punto de inicio dunha actividade que continuou coa narración teatralizada do conto 'A que sabe a Lúa' e que rematou cun xogo conxunto de todos os participantes.

As caras de felicidade e satisfacción das persoas presentes demostraron o éxito desta iniciativa pola integración impulsada polo Concello da Baña, que xa no verán propiciou o encontro entre a Fundación e os pequenos e pequenas dos campamentos cando aqueles foron explicar como son as actividades que habitualmente desenvolven.

Podes ver as imaxes do encontro neste album de fotos no Facebook do Concello: https://www.facebook.com/pg/ConcellodaBana/photos/?tab=album&album_id=3124117140938116