20190228 Obradoiro EmpregoNo mes de novembro comezou o Obradoiro dual de emprego sobre Promoción turística que organizan os concellos de Negreira, Santa Comba, Val do Dubra e A Baña. Os 8 alumnos e alumnas que participan no taller ‘Xallas-Barcala-Dubra IV’ están recibindo formación teórica e práctica para conseguir o certificado de profesionalidade neste ámbito. Nos 4 meses que levan de curso, as súas actividades prácticas abarcaron dende un programa de radio, ata folletos e carteis para o entroido.

O proxecto ‘Xallas-Barcala-Dubra IV’ está levando a cabo numerosas actividades para promocionar co turismo nos concellos organizadores. Entre elas, un inventario con todos os recursos turísticos da comarca e un banco de fotos, para ter detallado cada recurso e poder explotar ao máximo o seu potencial. O alumnado pon en práctica os seus coñecementos en función das necesidades e solicitudes de concello. Os carteis e folletos do entroido de Val do Dubra e Santa Comba foron feitos por eles mesmos. A cuña publicitaria do carnaval e a programación da Festa da Filloa da Baña tamén foron obra súa.

Por outra banda, os futuros técnicos en turismo prepararon un concurso de receitas para as celebracións do entroido de Negreira. Desde este mesmo municipio retransmiten o seu programa de radio de promoción turística. ‘Viaxa con nós’ emítese todos os mércores ás 13.00 horas a través de Radio Negreira e os contidos están desenvoltos polo alumnado. Pero este non é o único medio de comunicación que dominan. Baixo o mesmo nome, o obradoiro ten perfís en redes sociais como Facebook, Instagram e Twitter. Alí é onde comparten todos os seus traballos, ademais de promocionar o turismo na zona.

Grazas a que cada alumno provén dun ámbito profesional distinto, poñen en común os seus coñecementos cos seus compañeiros. A colaboración e a iniciativa son dúas das características que mellor describen a esta promoción que se graduará o vindeiro mes de xullo. De momento, atoparanse todos os luns de 11.00 a 14.00 horas no renovado punto de información turística de Santa Comba, na Casa do Pozo.

Un grupo de 32 persoas, entre as que se atopaban o alcalde da Baña, Andrés García Cardeso, e o de Val do Dubra, Antonio Negreira, participaron o pasado sábado na I Ruta do Románico que organizaron conxuntamente os concellos da Baña, Negreira e Val do Dubra para poñer en valor as igrexas románicas da zona.

O técnico de Turismo Eutropio Rodríguez foi o encargado de explicar a historia das igrexas de Santa María de Paramos (Val do Dubra), Santa Baia de Lañas (A Baña), Santa María de Portor e San Pedro de Gonte (Negreira), que foron construídas entre finais do século XII e principios do XIII.
A iniciativa espertou o interese dos dous alcaldes, ata o punto de que Antonio Negreira quere repetir a iniciativa cos alumnos da ESO do CPI de Bembibre; e Andrés García Cardeso quere facer o propio cos do centro educativo da Baña.

20180915 Ruta Romanico Eutropio 2

Filloas e Folk no Camiño foi o nome elixido pola Asociación Filloas da Pedra da Baña para organizar este domingo, 19 de agosto, un evento que ten por obxectivo promover o Camiño de Santiago a Muxía pola Baña e, ao mesmo tempo, promocionar as filloas da pedra.

A iniciativa, que se enmarca no proxecto Explora, descobre e actúa, tenta recuperar unha antiga tradición segundo a cal moitos camiñantes facían, ao revés, o Camiño de Santiago a Muxía pasando pola Baña. Neste caso, os asistentes farán o tramo dende Especedo ata Cores.

Filloas e Folk no Camiño’ conta coa colaboración do Concello da Baña e do GDR Terras de Compostela e os interesados en asistir deberán anotarse ata o 17 de agosto na Axencia de Desenvolvemento Local da Baña ou nos teléfonos 981 886 777 e 981 886 501 (Concello da Baña) ou no GDR Terras de Compostela (981 818 357).

Os participantes reuniranse na área recreativa Agra de Chans ás 08.30 horas do domingo 19 de agosto. Dende aquí desprazaranse en autobús ata Especedo, dende onde percorrerán o Camiño Santiago a Muxía ata o Pazo de Cores, pasando por Ferraces, para visitar o seu pazo, a igrexa de Ordoeste, a de Seoane e o pazo de Cores. Dende aquí farase en autobús o viaxe de volta ata a Baña.

A Asociación Filloas da Pedra da Baña ofrecerá na área recreativa Agra de Chans unha degustación gratuíta de filloas da pedra, soas e acompañadas con outros produtos da zona. As agrupacións bañesas Os Campantes e As Pandereteiras amenizarán o xantar coa súa música.

A técnica de turismo da Baña será a encargada de guiar aos camiñantes e de explicarlles todos aqueles puntos de interese que visiten durante esta camiñada.

20180830 Ruta Romanico cartel

 

Os concellos da Baña, Negreira e Val do Dubra, promoven unha iniciativa conxunta para poñer en valor as construcións románicas destes municipios. A Ruta do Románico, como lle chaman á iniciativa, desenvolverase o vindeiro 15 de setembro e as persoas que desexen participar poderán coñecer un pouco mellor as igrexas de Santa María de Paramos (Val do Dubra), Santa Baia de Lañas (A Baña) e a de Santa María de Portor e San Pedro de Gonte (Negreira).

Eutropio Rodríguez, experto en belas artes, será a persoas encargada de explicar os datos máis curiosos das catro igrexas. Rodríguez está contratado polo Concello de Negreira cunha subvención da Deputación da Coruña como técnico de turismo para os tres municipios.

Esta Ruta do Románico farase en autobús, que recollerá aos participantes no bar Celta de Negreira, ás 10.00 horas, pasando despois por Ceilán (parada do autobús) ás 10.15 horas e pola igrexa de Paramos ás 10.30 da mañá.

Aínda que esta ruta é gratuíta as persoas que desexen participar deberán anotarse antes do xoves 13 de setembro, ás 14.00 horas. Poderano facer chamando a algúns dos seguintes teléfonos:

Concello da Baña: 981 886 777 – 981 886 501

Concello de Negreira: 981 885 886

Concello de Val do Dubra: 981 889 000, extensión 131

 

Un grupo de 140 persoas formado por veciños da Baña, Santa Comba, Mazaricos, Zas e Vimianzo saíron ás nove desta mañá da praza do Obradoiro para facer a primeira etapa do Camiño de Santiago a Muxia por Brandomil, unha iniciativa a que se suma o Concello de Muxía e sete asociación para promover a variante da ruta Xacobea por Brandomil e reclamar o recoñecemento oficial do mesmo.

Na etapa de hoxe rematou en Negreira participaron unha trintena de veciños da Baña. O vindeiro domingo, día 27, farán a etapa  dende Negreira ata Brandomil. A terceira será de Brandomil a Berdoias o 3 de xuño, e a última andaina está programada para o 10 de xuño entre Berdoias e Muxía. 

Este é o terceiro ano que se fan estas camiñadas reivindicativas promovidas polos concellos polos que discorre a ruta e as asociacións culturais Lumieira, da Baña; Os Trotasendas e San Luis da Pereira, de Santa Comba; Grandimirum de Brandomil, Zas; San Cosme de Antes, de Mazaricos; e Baíñas no Camiño e Berdoias, de Vimianzo

As asociacións sinaladas promoveron un estudio realizado polo recoñecido antropólogo e experto no Camiño de Santiago Manuel Vilar, que foi presentado o 18 de novembro do pasado ano e rexistrado posteriormente na Dirección Xeral de Patrimonio solicitando o recoñecemento oficial do Camiño por Brandomil.

Os interesados en participar nas vindeiras etapas deberán inscribirse previamente en calquera dos seis concellos promotores: A Baña, Santa Comba, Mazaricos, Zas, Vimianzo e Muxía. Cada municipio oferta un total de 50 prazas e, de non cubrirse a totalidade das mesmas, poderán anotarse tamén persoas doutros concellos. A inscrición ten un custe de 10 euros por etapa, que inclúe desprazamento, seguro, bocadillo, froita e auga.

Máis fotos no facebook do Concello da Baña

20180520 ALI1967