imprimir
Categoría: SNL
Visitas: 216

20200121 Cartel Mago TetoO Mago Teto presenta As novas tolemaxias este venres, 24 de xaneiro, na casa da cultura da Baña. O espectáculo vai dirixido ás familias do Apego e está organizado polo Concello da Baña, a través do Servizo de Normalización Lingüística, co patrocinio da Deputación da Coruña. A función dará comezo ás 18.15 horas.

En palabras do Mago Teto, un dos ilusionistas máis veteranos de Galicia malia a súa xuventude, As novas tolemaxias é "un espectáculo entretido, divertido, estético, emotivo e, sobretodo, cheo de ilusión e de ilusións". O show supón o retorno do mago á esencia do ilusionismo, cun espectáculo cheo de efectos novidosos e adaptado a todos os públicos.

Esta actuación enmárcase na programación do proxecto Apego, un programa colectivo no que participa o Concello da Baña xunto con outros municipios galegos, destinado a fomentar e mellorar a transmisión do noso idioma domo lingua inicial e a socialización en galego dende o berce.