- Detalles
- Escrito por Alicentis
- Categoría: Deportes
- Visto: 3930
- Elpidio Gómez, Adrián Mosteriro, Beatriz Barroso e Lucía Peón completaron o podio no trail longo de 28 km
- Adrián Abelanda, Carlos Lorenzo, Miguel Montero, en homes, e Carmen Rodríguez, Apolonia Bermúdez e Adriana Rey impuxéronse na proba curta de 16 km
- Adrián Sesar, Diego Ferreira e Nuno Moure, en homes, e Julia Salvado, Lucía Taboada e Alma Pereira vencedores na proba de promesas, cun percorrido de 8 km
Andrés Flórez e Tamara García non deron hoxe opción e impuxéronse con claridade na oitava edición do Trail da Baña, que xuntou a máis de 300 atletas nas diferentes cartegorías disputadas, o que a convirte na edición máis numerosa das oito celebradas. Ademais, este año na Baña déronse cita atletas que ocupan os primeiros postos do ránking na nosa comunidade autónoma.
Andrés Florez Castro, do Club Atletismo Sada, non deu opción na proba masculina de 28 quilómetros, e cruzou a meta (2.25.46) tres minutos antes que o segundo clasificado, Elpidio Gómez Sousa (2.28.35). O terceiro posto foi para Adrián Mosteiro (2.30.42)
Na categoría feminina Tamara García tamén deixou claro o seu poderío na proba longa deste trail. Cruzou a meta en 2.59.50, seguida de Beatriz Barroso (3.02.08) e Lucía Peón Santomé (3.08.29).
Ademais da proba absoluta, na que participaron 59 atletas, outros 89 disputaron o trail curto, de 16 km. Aquí deuse a casualidade de que os dos primeiros cruzaron conxuntamente a liña de meta, e acabaron xogándose o primeiro posto ao ‘pedra, papel, texoira’, quedando como vencedor Adrián Abelanda Vázquez (1.35.24), seguido de Carlos Lorenzo (1.35.24) e Miguel Montero (1.36.23).
Na categoría feminina do trail curto, a gañadora foi Carmen Rodríguez (1.56.40), seguida de Apolonia Bermúdez (2.00.51) e Adriana Rey (2.11.57).
No trail promesa, que contou con 67 atletas, os gañadores foron Adrián Sesar (45.52). Diego Ferreira (46.53) e Nuno Moure (48.40), en homes, e Julia Salvado (53.26), Lucía Taboada (55.06) e Alma Pereira (56.51), en mulleres.
Na clasificación por clubes, o vencedor foi o Atletismo Porriño, seguido de Traileros Toxos&Birras e Atletismo Arenteiro.
Os mellores atletas da Baña foron Antonio Barreiro (2.04.06), Adrián Darriba (2.04.07) e MarcosParedes (2.05.10), en homes; e Adriana Rey (2.11.57) e Paula Paredes (3.05.18), en mulleres
Na andaina non competitiva de 10 quilometros participaron hoxe 108 persoas.
Na entrega de premios participaron o alcalde, José Antonio Pereira; a concelleira de deportes, Ana Pensado, e o representante de Ternera Gallega José Ramón Gómez.
Tras cruzar a liña de meta, os atletas puideron repoñer forzas degustando filloas da pedra da Baña, nunha acción promocional do GDR Terras de Compostela, que ofreceu filloas elaboradas por José Manuel Mallón recheas de calabaza asada e crema de setas e castañas; filloas con bechamel de lacón con grelos e chorizos e filloas con tarta de queixo ao forno.
Ternera Gallega tamén colaborou co Concello, ofrecendo unha degustación de produtos con denominación de orixe.
- Detalles
- Escrito por Alicentis
- Categoría: Deportes
- Visto: 1675
-
Tenis, pilates, baloncesto, pádel, tenis de mesa, patinaxe artística, judo, baile moderno, ximnasia rítmica e acrosport forman parte da nova oferta
-
As clases comezan o xoves 11 de setembro e desenvolveranse principalmente en horario de tarde coincidindo co calendario escolar
-
O obxectivo deste servizo é promover a actividade física e o deporte entre toda a poboación ao tempo que facilita a conciliación familiar
O Concello da Baña abre mañá, martes 2 de setembro, o prazo de inscrición para as Escolas Deportivas Municipais 2025/26, que se desenvolverán a partir do xoves 11 de setembro, coincidindo co calendario escolar. Este servizo busca fomentar a actividade física e o deporte entre a veciñanza, ao tempo que contribúe á conciliación das familias.
A oferta deste curso inclúe disciplinas para diferentes idades e preferencias. Entre as actividades dirixidas a nenos e nenas de 3 a 16 anos atópanse o baloncesto, baile moderno, judo, patinaxe artística, ximnasia rítmica e acrosport. Ademais, tenis e tenis de mesa estarán dispoñibles tanto para menores de 3 anos en diante como para persoas adultas; o pádel poderá practicarse a partir dos 6 anos; e pilates estará reservado ás persoas adultas.
As clases desenvolveranse nos seguintes horarios:
- Acrosport: venres de 15:30 a 17:00 horas.
- Baile moderno: luns e xoves, de 15:30 a 16:30 horas.
- Baloncesto: luns e xoves, de 15:30 a 16:30 horas.
- Judo: luns de 16:30 a 17:30 horas.
- Pádel: venres de 17:00 a 22:00 e sábado de 10:00 a 12:00 horas.
- Patinaxe artística: grupo A os martes e venres de 17:00 a 18:00 e grupo B de 18:00 a 19:00 h.
- Pilates: mércores e venres de 19:00 a 20:00 horas.
- Tenis: xoves de 17:00 a 19:00 horas.
- Tenis de mesa: venres de 15:30 a 17:30 horas.
- Ximnasia rítmica: martes de 15:30 a 17:00 horas.
Cada actividade requirirá un mínimo de sete participantes para poder realizarse. No caso de non alcanzarse o número mínimo de inscritos, a actividade poderá ser cancelada.
As cotas de participación para este curso establécense en 80 euros por tempada e actividade, cun pagamento fraccionado en tres prazos trimestrais. No caso de inscribirse en dúas ou máis actividades, a tarifa será de 120 euros por tempada (40 € por trimestre).
Tamén se aplicarán bonificacións familiares. Para dous membros da mesma unidade familiar, a cota será de 132 euros por tempada (44 € por trimestre) se cada un participa nunha actividade, ou de 177 euros por tempada (59 € por trimestre) se un deles realiza dúas ou máis actividades. Para tres ou máis membros da mesma unidade familiar, a cota será de 160 euros por tempada (53 € por trimestre) se cada un participa nunha actividade, ou de 201 euros por tempada (67 € por trimestre) se un deles realiza dúas ou máis.
As persoas interesadas deberán cubrir o formulario dispoñible na web do Concello da Baña, que poderá remitirse a través da sede electrónica, por correo electrónico a Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. ou presentarse presencialmente na Concellería de Deportes. Será necesario entregar, ademais do formulario de inscrición, as autorizacións de imaxe e teléfono e a domiciliación bancaria, documentos dispoñibles en formato PDF editable nos anexos da web municipal.
Para calquera dúbida ou consulta, pódese contactar co Departamento de Deportes no correo Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. ou no teléfono 981 886 501.
Con esta programación, o Concello da Baña reafirma o seu compromiso co deporte local, ofrecendo opcións de aprendizaxe e socialización para todas as idades durante a tempada 2025/26.
- Detalles
- Escrito por Alicentis
- Categoría: Deportes
- Visto: 1054
- As probas das categorías escolares, con 146 participantes, animaron as rúas de San Vicenzo con numeroso público presente
- Jesús Suárez e Adriana Rey, bañenses máis rápidos na 10K, e Adrián Darriba e Zaira Blanco, na 5K
- Esta primeira edición da proba forma parte do circuíto de carreiras populares da Deputación da Coruña
Jorge Crespo e Nia Franco foron esta mañá os gañadores da proba de dez quilómetros da I Carreira Popular da Baña, na que participaron máis de trescentos atletas en todas as categorías. Na carreira de cinco quilómetros os primeiros en cruzar a liña de meta foron Alberto Riveiro e Laura Felisa López. Os atletas bañenses máis rápidos foron José Suárez e Adriana Rey (na 10K) e Adrián Darriba e Zaira Blanco, na 5K. As clasificacións pódense consultar na web de Carreiras Galegas (preme aqui).
Un cento de atletas disputaron a proba de 10 quilómetros da I Carreira Popular da Baña. Os máis rápidos na categoría masculina foron Jorge Crespo Arias, do CA Sar, que cruzou a liña de meta en 33.57 minutos, seguido do seu compañeiro de quipo Martín Lestido (35.01) e de Víctor González Horta, do Comesaña Sporting Club, cun tempo de 35.30.
Na categoría feminina, Nia Franco (45.06) sacoulle case un minuto a segunda clasificada, Adriana Rey (45:59), e dous minutos a terceira clasificada, Natalia Lorenzo (47.16).
Nesta carreira, os atletas da Baña que subiron ao podio por ser os e as primeiras en cruzar a meta foron José Suárez Leis (35.50), José Manuel García Antelo (40.19) e Antonio Barreiro Cordeiro (46.55). Na categoría feminina, as máis rápidas foron Adriana Rey (45.59) e Sandra Rodríguez Nieto (1.05.14).
Na proba de 5 quilómetros, Alberto Riveiro Lampón (C.A. Sar) non deu opción e impúxose cun tempo de 16.52, seguido de Ramón González País (17.24) e Miguel Montero Noya (18.10). En categoría feminina, as tres primeiras foron Laura Felisa López López (23.56), Xulia Vidal Tubío (25.20) e Alba Forján Costa (26.04).
Os premios para atletas bañenses na proba de 5K foron para Adrián Darriba (20.43), Antonio Velo (28.12) e Luigi Croce (33.30). En mulleres as máis rápidas foron dúas integrantes do S.D. A Baña, Zaira Blanco (29.01) e Leticia Fernández (40.35).
Un dos protagonistas desta primeira edición da Carreira Popular da Baña foi o ferrolán Jesús Bernal Gómez, que con preto de 80 anos fixo 15 quilómetros ao participar tqnto na 5K como na 10K.
As categorías escolares animaron o ambiente en San Vicenzo, polo número de familiares e amigos que acompañaron aos 146 atletas menores que participaron nas diferentes categorías, dende a categoría sub-18 ata biberóns.
Na proba estivo presente o deputado provincial Antonio Leira. O alcalde, José Antonio Pereira, e a concelleira de Deportes, Ana Pensado, entregaron os trofeos aos gañadores e gañadoras das diferentes categorías.
José Antonio Pereira agradécelle a colaboración ás persoas voluntarias que se implicaron coa organización da carreira, así como aos integrantes de Protección Civil, da Federación Galega de Atletismo e aos propios asistentes e participantes, e ao técnico municipal de deportes. O alcalde destacou a implicación do organismo provincial, que incluíu esta proba no XI Circuíto de Carreiras Deputación da Coruña.
- Detalles
- Escrito por Alicentis
- Categoría: Deportes
- Visto: 1447
-
A proba foi presentada hoxe pola concelleira de Deportes, Ana Pensado, e polo presidente da Federación Galega de Atletismo, Iván Sanmartín //
-
Contará con tres distancias de 28, 16 e 8 quilómetros e unha andaina non competitiva //
-
Rebaixa os prezos de inscrición para facilitar a participación //
O Trail da Baña chegará o domingo 28 de setembro á súa oitava edición. A proba, puntuable para o ranking do Circuíto Galicia Trail Running Series, presentouse este luns 4 de agosto no Concello da Baña coa presenza da concelleira de Deportes, Ana Pensado; do presidente da Federación Galega de Atletismo, Iván Sanmartín; e de Dani Gesto, representante do club organizador BJ Trainers. Contará de novo con tres distancias competitivas e cunha andaina e baixa os prezos para facilitar a participación, que chegou ás 300 persoas na pasada edición. As inscricións están xa abertas na páxina web de Carreiras Galegas.
A proba raíña do Trail da Baña será un trail de 28 quilómetros cun desnivel acumulado de 1.000 metros. Haberá tamén un minitrail de 16 quilómetros cun desnivel de 650 metros e un trail promesa de 8 quilómetros, este último aberto a categorías inferiores a partir de 14 anos e a aquelas persoas adultas que prefiran facer unha distancia máis curta.
A cita deportiva comprende así mesmo unha andaina non competitiva de 10 quilómetros, na que poden participar persoas de todas as idades a partir dos 12 anos. Os menores deberán ir obrigatoriamente na compaña dunha persoa maior de idade.
A saída efectuarase dende o pavillón de San Vicenzo a partir das 9.45 horas, cando comecen a correr os participantes no trail. Sairán logo o minitrail, ás 9.55 horas; e o trail promesas, ás 10.00h. A andaina poñerase en marcha cinco minutos despois, ás 10.05h.
En canto ás categorías, o trail longo contará cun total de cinco: sénior (dende 2007), máster 1 (persoas nadas entre 1990 e 1980), máster 2 (persoas nadas en 1979 e anos anteriores) e absoluta. No trail curto establécense as categorías Sub 20, Sub 18, Sub 12, sénior e absoluta. Haberá premios para os tres primeiros homes e as tres primeiras mulleres de cada categoría, así como para os tres primeiros clubs clasificados, os tres clubs con maior participación e os mellores atletas locais.
Puntuarán para o ranking galego as probas de trail longo de 28 quilómetros nas categorías Classic Sub 23, absoluto e máster. Na proba curta, de 8 quilómetros, quedarán rexistradas as marcas en Preclassic Sub 20, Sub 18 e Sub 16.
As inscricións quedarán abertas dende este luns, 4 de agosto, ata o martes 23 de setembro na páxina www.carreirasgalegas.com. O prezo é de 15€ para o trail, 12€ para o minitrail, 10€ para o trail promesas e 5€ para a andaina. Todas as persoas participantes recibirán un agasallo, contarán con varios puntos de abastecemento ao longo do percorrido e poderán gozar dun catering final, no que tamén terán a oportunidade de coñecer e saborear as tradicionais filloas da pedra da Baña.
As bases do trail poden consultarse no arquivo adxunto.
 Regulamento do VIII Trail da Baña | [ ] | 461 kB |
- Detalles
- Escrito por Alicentis
- Categoría: Deportes
- Visto: 825
-
Contará con dous circuítos para facilitar a participación: un de 1,5 quilómetros para os máis peques e outro de 10 quilómetros //
-
A proba sairá ás 10.00 horas da praza do Concello e rematará cuns petiscos no pavillón de San Vicenzo //
-
As inscricións poden facerse xa no departamento municipal de Deportes //
A Festa da Filloa da Pedra da Baña, que se desenvolverá o domingo 16 de marzo, daralle este ano protagonismo ao deporte coa celebración da primeira Ruta Ciclista da Filloa, unha proposta dirixida fundamentalmente a público familiar que busca fomentar os hábitos saudables desfrutando, a un tempo, dunha xornada de convivencia.
A Ruta Ciclista, que sairá ás dez da mañá da praza do Concello, contará con dúas modalidades de participación con diferentes distancias para facilitar a participación de ciclistas de todas as idades. Para a cativada, establécese un circuíto de 1,5 quilómetros, que nenas e nenos poderán facer na compaña das súas nais ou pais, antes de rematar a proba cunha xincana de conos pola praza.
O resto dos participantes, sen límite de idade, cubrirán un circuíto de dez kilómetros, cunha parada de avituallamento á metade do percorrido para repoñer forzas e reagrupar o pelotón. Os menores de 11 años poderán participar sempre que vaian obrigatoriamente acompañados dunha persoa adulta.
Rematada a ruta, todos os ciclistas gozarán xuntos duns petiscos no pavillón municipal de San Vicenzo.
As inscricións están abertas no departamento de Deportes do Concello da Baña. Todas aquelas persoas que queiran participar só teñen que facilitar os seus datos chamando ao 669 368 413 ou mandando un correo a Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..