- Detalles
- Escrito por Alicentis
- Categoría: Emprego e Desenvolvemento INICIO
- Visto: 580
22 de novembro de 2024
Fanse públicos os resultados definitivos coa distribución por módulos das persoas aspirantes a formar parte do alumnado do obradoiro dual de emprego Rexenera 2024, promovido polo Concello de Val do Dubra en convenio cos da Baña, Negreira e Santa Comba.
Os/As cinco aspirantes seleccionados deberán presentar o informe médico actualizado conforme reúnen as condicións físicas e psíquicas para o desenvolmento das tarefas a realizar antes do martes 26 de novembro de 2024, así como a tarxeta sanitaria e o certificado da conta bancaria.
Os resultados poden consultarse premendo nesta ligazón.
20 de novembro de 2024
Faise público o resultado provisional das persoas aspirantes á praza de director/a do obradoiro dual de emprego Rexenera 2024, promovido polo Concello de Val do Dubra en convenio cos da Baña, Negreira e Santa Comba.
O prazo para presentar alegacións é de cinco días naturais (5) a contar dende o día seguinte a publicación do resultado provisional.
Os resultados poden consultarse premendo nesta ligazón.
20 de novembro de 2024
Fanse públicos os resultados definitivos das persoas aspirantes a formar parte do alumnado do obradoiro dual de emprego Rexenera 2024, promovido polo Concello de Val do Dubra en convenio cos da Baña, Negreira e Santa Comba.
A distribución por módulos será publicada o vindeiro venres día 22/11/2024
Os/As cinco aspirantes seleccionados deberán presentar o informe médico actualizado conforme reúnen as condicións físicas e psíquicas para o desenvolmento das tarefas a realizar antes do martes 26 de novembro de 2024, así como a tarxeta sanitaria e o certificado da conta bancaria.
Os resultados poden consultarse premendo nesta ligazón.
15 de novembro de 2024
Fase públicos os resultados da proba escrita das persoas aspirantes á praza de director/a do obradoiro dual de emprego Rexenera 2024, promovido polo Concello de Val do Dubra en convenio cos da Baña, Negreira e Santa Comba.
O prazo para presentar alegacións abrirase no momento de publicar os resultados totais provisionais.
Os resultados da proba escrita poden consultarse no arquivo adxunto ou premendo nesta ligazón.
12 de novembro de 2024
Fanse públicos os resultados provisionais das persoas candidatas a formar parte do alumnado do obradoiro dual de emprego Rexenera 2024, promovido polo Concello de Val do Dubra en convenio cos da Baña, Negreira e Santa Comba.
O prazo para presentar alegacións é de 5 días naturais, a contar dende o mércores 13 de novembro. Neste mesmo prazo, os/as aspirantes con algún tipo de diversidade funcional deberán acreditar cun informe médico actualizado a compatibilidade coas funcións a desenvolver no obradoiro.
Os resultados poden consultarse en arquivo adxunto ou premendo nesta ligazón.
8 de novembro de 2024
Fanse públicos os resultados da primeira proba escrita das persoas candidatas a formar parte do alumnado do obradoiro dual de emprego Rexenera 2024, promovido polo Concello de Val do Dubra en convenio cos da Baña, Negreira e Santa Comba.
As puntuacións poden consultarse en arquivo adxunto e nesta ligazón.
30 de outubro de 2024
Este mércores, 30 de outubro, publícanse no Boletín Oficial da Provincia (BOP) da Coruña as bases de selección do persoal directivo e docente do obradoiro dual de emprego Rexenera 2024, promovido polo Concello de Val do Dubra en convenio cos da Baña, Negreira e Santa Comba.
O prazo para presentar as solicitudes será de dez días naturais a contar dende mañá, xoves 31 de outubro.
As bases publicadas no BOP pódense consultar na seguinte ligazón: https://bop.dicoruna.es/bopportal/publicado/2024/10/30/2024_0000007548.pdf
25 de outubro de 2024
Publícanse as bases reguladoras do proceso de selección de persoal e alumnado traballador do obradoiro dual de emprego 'Rexenera 2024', subvencionado pola Consellería de Emprego, Comercio e Emigración, cofinanciado pola Unión Europea, e promovido polo Concello de Val do Dubra, xunto cos concellos de Negreira, A Baña e Santa Comba.
As bases reguladoras poden consultarse na sede electrónica do Concello da Baña no seguinte enlace: https://sede.concellodabana.gal/sxc/gl/informacion/tablon/2024/ANUNCIO_PROG_20241025093013359.html
18 de outubro de 2024
O Concello da Baña participa no Obradoiro de Emprego 'Rexenera 2024'
O Concello da Baña, en colaboración cos concellos de Val do Dubra, Negreira e Santa Comba, participará no novo Obradoiro de Emprego denominado Rexenera 2024. Este proxecto, promovido polo Concello de Val do Dubra, ten previsto o seu inicio o vindeiro 2 de decembro de 2024 e contará cun total de 20 prazas para alumnos/as.
A través dunha subvención da Consellería de Emprego, Comercio e Emigración, o obradoiro formará a persoas nas especialidades de Limpeza en espazos abertos e instalacións industriais, con 12 prazas, e Operacións auxiliares de revestimentos continuos en construción, con 8 prazas. Durante os 9 meses de duración do programa, os participantes recibirán formación teórica e práctica que mellorará as súas opcións de inserción laboral.
A preselección dos participantes realizarase a través da Oficina de Emprego Santiago Norte. As persoas interesadas que desexen optar a unha destas prazas deberán estar inscritas nos servizos de emprego nas modalidades de Escolas Taller, Casa de Oficios, Taller de Emprego ou outros programas de emprego e formación dual.
O prazo para inscribirse rematará o luns 28 de outubro ás 14:00 horas, e a tramitación das ofertas realizarase a través da oficina virtual do SPEG.
Para máis información, as persoas interesadas poden contactar coa oficina de emprego do Concello da Baña 981 886 501.
Con este obradoiro, o Concello da Baña reafirma o seu compromiso co fomento do emprego e a formación profesional, contribuíndo ao desenvolvemento económico e social da comarca.
- Detalles
- Escrito por Alicentis
- Categoría: Emprego e Desenvolvemento INICIO
- Visto: 720
7 de outubro de 2025
Fanse públicos os resultados definitivos das persoas candidatas á praza de docente de viveiros, xardíns e centros de xardinería do programa de emprego e garantía xuvenil 2024.
Os resultados poden consultarse na seguinte ligazón:
1 de outubro de 2025
Xa poden consultarse no taboleiro de anuncios da sede electrónica os resultados da proba escrita e os resultados definitivos das persoas que se presentaron candidatas a director/a, titor/a e docente de xardinería do programa de emprego Xuvenil 2024.
Estes resultados poden consultarse nas seguintes ligazóns:
- Proba escrita director/a
- Proba escrita titor/a
- Definitivos director/a
- Totais definitivos director/a
- Definitivos titor/a
- Totais definitivos titor/a
- Definitivos docente de xardinería
27 de setembro de 2024
Fanse públicos os resultados totais definitivos das persoas candidatas a formar parte do alumnado-traballador do programa de emprego Xuvenil 2024, así como os resultados totais definitivos das persoas candidatas a ocupar o posto de director/a.
Estes resultados poden consultarse nas seguintes ligazóns:
27 de setembro de 2024
Fanse públicos os resultados das probas escritas de galego das persoas candidatas a ocupar as prazas de docente do módulo de xardinaría e docente do módulo de montes no programa de emprego Xuvenil 2024.
Estes resultados poden consultarse nas seguintes ligazóns:
27 de setembro de 2024
Fanse públicos os resultados da proba escrita das persoas candidatas a ocupar a praza de titor/a do programa de emprego Xuvenil 2024.
Estes resultados poden consultarse nas seguintes ligazóns:
25 de setembro de 2024
Fanse públicos os resultados totais provisionais das persoas candidatas a formar parte do alumnado do programa de emprego Xuvenil 2024, así como os resultados totais provisonais das persoas candidatas a director/a, titor/a e docentes dos módulos de montes e de xardinaría.
Estes resultados poden consultarse nas seguintes ligazóns:
23 de setembro de 2024
Publícanse na sede electrónica do Concello da Baña os resultados das probas escritas do obradoiro Xuvenil 2024.
Estes resultados poden consultarse nas seguintes ligazóns:
3 de setembro de 2024
Publícase a rectificación das bases de selección do Programa de Emprego de Garantía Xuvenil 'Xuvenil 2024'.
19 de agosto de 2024
O Concello da Baña, en colaboración cos Concellos de Santa Comba, Negreira e Val do Dubra, será beneficiario dunha subvención da Consellería de Promoción do Emprego e Igualdade para a execución do Programa de Emprego de Garantía Xuvenil “XUVENIL 2024”. Este programa está dirixido a mozos e mozas maiores de 18 anos, inscritos no sistema de Garantía Xuvenil, e ten como obxectivo ofrecer formación e experiencia laboral a 16 alumnos/as traballadores/as.
O programa contará con dúas especialidades formativas:
- Actividades Auxiliares en Conservación e Mellora de Montes: 10 alumnos/as.
- Actividades Auxiliares en Viveiros, Xardíns e Centros de Xardinaría: 6 alumnos/as.
Duración e proceso de selección
O programa terá unha duración de 12 meses, durante os cales os participantes recibirán formación teórica e práctica nas especialidades mencionadas. A preselección dos alumnos/as traballadores/as será realizada pola Oficina de Emprego de Santiago Norte, seleccionando aquelas persoas inscritas no Servizo Público de Emprego de Galicia e que teñan solicitado algún dos seguintes servizos: Escolas Taller, Casa de Oficios, Taller de Emprego, ou outros programas de emprego e formación dual.
Prazo de inscrición e requisitos
As persoas interesadas en participar neste programa como alumnado e que aínda non estean inscritas deberán facelo antes do 29 de agosto, rexistrándose nos códigos correspondentes na Oficina de Emprego de Santiago Norte.
A inscrición realizarase de forma presencial, pedindo cita previa, a través do enlace https://emprego.xunta.es/citaprevia
Para máis información, os interesados poden dirixirse ao Servizo de Emprego Local do Concello da Baña.
 Rectificación das bases de selección | [ ] | 377 kB |
- Detalles
- Escrito por Alicentis
- Categoría: Emprego e Desenvolvemento INICIO
- Visto: 468
A iniciativa do goberno municipal viuse apoiada pola presenza de moitas persoas durante toda a mañá, que acudiron a mercar e a tomar o polbo
Por comprar superiores a 15 euros nos postos ou no comercio e hostalería local, o Concello regala vales de 2 € de desconto na polbeira
A iniciativa do Goberno da Baña para impulsar e dinamizar a feira mensual viuse apoiada coa presenza dunha trintena de postos no mercadiño ambulante e de moitos veciños e veciñas que se achegaron ata San Vicenzo para mercar e comer polbo.
Dende primeira hora da mañá foise achegando a xente ata San Vicenzo para pasear polo mercadiño e ver as ofertas da trintena de postos que se instalaron este primeiro luns de xuño: roupa, bixutería, prantas, calzado, pan, churros, entre outros. A partir de mediodía incrementouse a fluencia ao mercado e a polbeira, que xa comezou a servir as primeiras racións de polbo pouco despois da doce.
Precisamente, a presenza da polbeira na feira da Baña é unha das novidades desta iniciativa do goberno local para dinamizala. Por este motivo, o Concello ofrece un vale desconto de dous euros para comer o polbo a todas as persoas que fagan compras por importe superior aos 15 euros tanto nos postos do mercadiño como no comercio e hostalería da Baña. Esta promoción estará vixente tamén na feira do mes de xullo (que se celebrará o día 1) e cada persoa pode trocar un máximo de dous vales cada día.
- Detalles
- Escrito por Alicentis
- Categoría: Emprego e Desenvolvemento INICIO
- Visto: 784
24 de xuño de 2024
Publícase o decreto coa proposta de contratación das persoas integrantes da brigada de prevención contra os incendios forestais do Concello da Baña para o ano 2024: un/ha xefe/a de brigada, un/ha peón/a condutor/a e tres peóns/as de brigada. Así mesmo, apróbase e publícase a listaxe de persoas coas que se formará unha bolsa de traballo para cubrir as vacantes que eventualmente puideran xurdir, ou para atender necesidades de emerxencia e imprevistos en xeral.
O decreto pode consultarse en arquivo adxunto ou premendo nesta ligazón.
21 de xuño de 2024
Faise pública a resolución da Alcaldía coa listaxe definitiva de persoas admitidas para participar no proceso de actualización das bolsas de traballo temporal para as prazas de xefe/a de brigada, peón/peoa condutor/a e peóns/peoas de brigada de incendios ao abeiro do convenio entre a Consellería de Medio Rural e o Concello da Baña para a prevención e defensa de incendios forestais no ano 2024.
Así mesmo, dase a coñecer a composición do tribunal e a convocatoria dos exames para o luns 24 de xuño: proba práctica ás 9.00 horas na nave municipal (rúa Tedelle, s/n), entrevista persoal ás 10.30 horas no salón de plenos do Concello, 12.00 horas para a proba física de aptitude na nave municipal e 14.00 horas para o exame de galego no salón de plenos do Concello.
A resolución pode consultarse en arquivo adxunto ou premendo nesta ligazón.
13 de xuño de 2024
Publícanse no Boletín Oficial da Provincia as bases reguladoras e convocatoria do proceso selectivo para novas inclusións e actualización de méritos na bolsa para a provisión temporal de contratación dunha brigada para a prevención e defensa contra incendios forestais do Concello da Baña.
Esta convocatoria de ampliación e actualización da bolsa de emprego terá por obxecto a contratación como persoal laboral temporal dunha brigada de 5 operarios (1 xefe de brigada; 1 peón condutor; 3 peóns de brigada) e a creación dunha bolsa de emprego de entre as persoas aspirantes que cumpran os requisitos establecidos nas bases para a súa provisión con carácter temporal.
O proceso selectivo é o concurso oposición e o prazo de presentación de instancias ou de actualización de méritos é de cinco días hábiles, a contar desde o día seguinte ao da publicación do anuncio no BOP.
As bases e convocatoria poden consultarse no arquivo adxunto ou premendo nesta ligazón.
- Detalles
- Escrito por Alicentis
- Categoría: Emprego e Desenvolvemento INICIO
- Visto: 335
O Concello da Baña participa no programa Campus Rural de prácticas universitarias no medio rural, unha iniciativa do Ministerio para a Transición Ecolóxica e o Reto Demográfico, en colaboración co Ministerio de Universidades e as universidades públicas españolas.
Este programa permite que os universitarios poidan levar a cabo prácticas académicas, curriculares e extracurriculares en entornos rurais. Deste xeito, contribúese ao reequilibrio territorial atraendo talento novo nos espazos máis despoboados para dinamizar o seu tecido produtivo, social e institucional.
O Concello da Baña asinou un convenio de colaboración coa Universidade de Vigo para a realización destas prácticas. As titulacións ás que se dirixe a oferta son catro: Dirección e Xestión Pública, Administración e Dirección de Empresas, Dereito e Relacións Laborais e Recursos Humanos. No que atinxe ás tarefas a realizar, estas son o apoio na xestión de subvencións, relacións coa Deputación e Consellería de Emprego, apoio ao secretario interventor e tarefas administrativas propias das áreas municipais.
O prazo de presentación de solicitudes remata o 30 de maio de 2024 ás 23:59 horas.
Para ampliar información, consulta esta ligazón da sede electrónica da Universidade de Vigo.
Na ficha de adhesión, adxunta a esta nova, figuran os graos solicitados polo Concello da Baña e outra información de utilidade.
| Ficha de adhesión do Concello da Baña a Campus Rural | [ ] | 572 kB |