- Detalles
- Escrito por Alicentis
- Categoría: Emprego e Desenvolvemento INICIO
- Visitas: 4653
-
Esta senda circular de 7,5 quilómetros percorre a zona na que vivían as personaxes que Manuel Iglesias Turnes recolle no libro
-
O propio autor lévanos no vídeo a onde vivían os protagonistas e aos lugares que frecuentaban
-
Tracks da ruta nos arquivos adxuntos a esta nova, que se pode ver tamén en Wikiloc (neste enlace)
O Concello da Baña estrea hoxe un documental sobre a Ruta literaria As rapazas de Xan, que percorre a parroquia de Cabanas amosando os lugares onde vivían as personaxes que Manuel Iglesias Turnes recolle no seu libro, do mesmo nome, editado por Xerais Narrativa en 2012. Con este vídeo, o Concello conmemora o Día das Letras Galegas 2020 e anima a veciños e visitantes a percorrer esta ruta de sendeirismo, de 7,5 quilómetros de lonxitude e unha dificultade baixa.
“Con este vídeo amosamos algunhas das paraxes que hai en Cabanas e animamos os amantes da natureza a que, en canto poidan, veñan camiñar por esta ruta e descubrir algúns dos segredos do libro”, afirma a concelleira de Cultura da Baña, Mónica González.
O vídeo pódese na canle de Youtube do Concello da Baña. O propio autor da novela lévanos a algúns dos lugares nos que transcorre a trama de As rapazas de Xan, que narra unha historia de amor entre Manuel e Carmela que se sitúa durante os tempos da posguerra en Cabanelas (Cabanas) entre malla e malla. Manuel Iglesias Turnes amósanos no vídeo algunhas das casas de Cabanas onde vivían as personaxes (as casa do Carreiro, de Roque, de Xan de María, de Bras, de Xirome), e tamén algunhas das paraxes que se visitan durante a ruta e que son significativas na propia novela.
Dende Palleiros, comezo da ruta, pódese gozar dunha vista xeral tanto de Cabanas (Cabanelas no libro) como da agra onde transcorre a novela. Sobredochán, o agro da Xesteira (onde Abel lle pega dous tiros a Sidoro, o violador da súa irmá), o Muíño do Medio, a carballeira do igrexario, a reitoral e o campo da festa de Cabanas son outros dos lugares que se percorren durante a ruta e que se poden ver no vídeo, producido por Alicentis SL con guión de Carme Pereiro, técnica de normalización lingüística do Agrupamento A Baña-Negreira.
Manuel Iglesias Turnes describe na novela o complexo tecido de relacións que compoñen a vida na aldea de Cabanelas nos difíciles tempos da posguerra, marcada pola ausencia de futuro e coa emigración como unha das saídas máis favorables. O vídeo remata no monte de Pedra Longa, dende onde Xan, cheo de amargura, viu marchar para Montevideo á súa filla e á súa neta.
Conmemorar o Día das Letras Galegas 2020 destacando a obra dun autor local (Manuel Iglesias Turnes é natural de Cabanas) é un dos obxectivos desta iniciativa. Ademais, coa promoción da ruta e do vídeo, o Concello da Baña quere poñer en valor o rural como lugar de residencia, e resaltar a calidade de vida e as espectaculares paisaxes que se poden gozar nunha aldea como Cabanas. “Tempos como os que estamos a vivir axúdannos a valorar a importancia do que temos máis preto”, sinala Mónica González, quen anima a todos os amantes da natureza a facer esta ruta literaria por Cabanas.
O Concello da Baña ten xeolocalizada esta ruta circular, que pasa por Cabanas e Guimaráns, de 7,5 km de lonxitude e con apenas desniveis. Os tracks para facer o percorrido pódense descargar nos arquivos adxuntos.
Una vez descargado, o arquivo 'RutaRapazasXan_kml' pódese executar en Google Earth para facer a ruta. Google Earth pódese descargar neste enlace (preme aquí)
A ruta literaria As Rapazas de Xan pódese consultar tamén na aplicación Wikiloc neste enlace (preme aquí)
 Ruta_RapazasDeXan_gpx | [Ruta_RapazasDeXan_gpx] | 27 kB |
| Ruta_RapazasDeXan_kml | [Ruta_RapazasDeXan_kml] | 8 kB |
- Detalles
- Escrito por Alicentis
- Categoría: Emprego e Desenvolvemento INICIO
- Visitas: 1166
A Consellería do Medio Rural publicou o pasado martes, 5 de maio, no Diario Oficial de Galicia unha Orde sobre a venda directa de produtos agrogandeiros nos mercados, a venda e produtos vexetais para a plantación en hortas de consumidores finais e o desprazamento de agricultores e viticultores para os efectos da realización de actividades agrarias.
Esta orde establece que aquelas persoas que se teñan que desprazar para coidar cultivos ou viñas de autoconsumo deberán levar consigo unha declaración responsable na que se identifique a parcela que se vai coidar e o tipo de cultivo que se realiza nela.
O Concello da Baña facilítalle á veciñanza un modelo de declaración responsable para que o poidan cubrir e levar consigo cando teñan que desprazarse para coidar estas leiras.
A identificación da parcela deberá facerse, preferentemente, indicando o número de referencia catastral, que se atopa no recibo da contribución. En caso de non localizar este número poden chamar por teléfono ao Concello (981 886 501) para que llo faciliten.
Na situación actual da desescalada, permítese o desprazamento de dúas persoas para o coidado de cultivos para autoconsumo. A orde da Consellería do Medio Rural establece que estes traballos se levarán a cabo en todo caso polo tempo mínimo e imprescindible, e respectando as distancias de seguridade e demais protocolos de prevención establecidos pola autoridade sanitaria. Na declaración responsable deberá especificarse esta situación, sinalando en concreto o tipo de traballos ou cultivos ou, se é o caso, a causa xustificada de que se trate.
O desprazamento para o coidado de cultivos ou viñedos para autoconsumo pódese facer dentro do mesmo termo municipal no que se teña fixado o domicilio ou a un municipio adxacente.
O modelo de declaración responsable pode descargarse no arquivo adxunto.
 20200507_Declaracion_Responsable_Cultivos | [20200507_Declaracion_Responsable_Cultivos] | 31 kB |
- Detalles
- Escrito por Alicentis
- Categoría: Emprego e Desenvolvemento INICIO
- Visitas: 972
A novena edición do Mercadiño de Nadal da Baña atraeu ata o polideportivo de San Vicenzo a preto de corenta artesáns e comerciantes que montaron postos de artesanía, alimentación, flores e xoguetes nunha xornada na se deron cita xa nenos e nenas dende primeiras hora da mañá, para montar na zorra de Papá Noel e participar nos xogos que prepararon os membros do obradoiro de emprego Xóvenes 2019.
Os Campantes da Baña foron os encargados de poñer a música e animar aínda máis un ambiente festivo, no que moitos dos visitantes aproveitaron para mercar os últimos agasallos destas datas. E precisamente todas as persoas que fagan algunha compra neste Mercadiño de Nadal participan no sorteo dunha cesta chea de agasallos doados polos postos presentes no mercado.
Xa pola mañá, a cativada gozaba na ludoteca que preparou a organización e nos xogos que dinamizaban os mozos e mozas menores de 30 anos de Val do Dubra, A Baña, Negreira, e Santa Comba que participan no obradoiro de emprego Xóvenes 2019, que se están formando nas actividades de animación física, deportiva e recreativa.
E despois de xantar chegaron os espectáculos preparados especialmente para os máis novos, co ‘Autoestopista intergaláctico’ de Aitor Zamuz e o ilusionismo de Martín Camiña, aínda que o gran protagonista da xornada foi, sen dúbida, Papá Noel, que chegará as seis da tarde do seu saco cargado de ilusións e agasallos para todos os participantes.
No polideportivo de San Vicenzo –ata onde se trasladou o Mercadiño de Nadal por culpa do mal tempo– había postos con produtos artesáns feitos en madeira, roupa, cestos, bisutería, conchas e tamén xabóns naturais. Entre os produtos de alimentación que se poden mercar hai conservas, mel, galletas e de panadería. A todo elo engádense flores e xoguetes para que todo o mundo poida atopar os últimos regalos que facer neste Nadal.
Para xantar, pulpería Mambís encargouse de preparar polbo e churrasco para saciar os padais máis esixentes, ou algún que outro churro que do posto de Marisú.
Coa tarde chegou o momento máis especial para toda a veciñanza. Os nenos e nenas (e os que non o son tanto) entragaron as súas cartas a un Papá Noel que visitou por adiantado o Concello da Baña e que ademais de escoitar as peticións da cativada, regaloulles petiscos para que recuperaran as forzas despois de dalo todo cos espectáculos de Aitor Garuz e Martín Camiña. No sorteo da cesta de Nadal, a gañadora foi Lucía Mayo López.
Album de fotos no Facebook do Concello da Baña (neste enlace)
- Detalles
- Escrito por Alicentis
- Categoría: Emprego e Desenvolvemento INICIO
- Visitas: 1792
O Concello da Baña anuncia a contratación dunha (1) persoa para o posto de condutor tractorista baixo a modalidade de contrato temporal así como a creación dunha bolsa de emprego para cubrir prazas de condutor-tractorista.
Requisitos: os establecidos nas bases que regulan a convocatoria
Presentación de solicitudes: Cinco días hábiles contados a partir do seguinte ao da publicación no periódico, no Rexistro Xeral da casa do Concello de 9:00 a 14:00 horas de luns a venres, ou polos medios regulados na Lei 39/2015, conforme ao previsto nas bases.
As bases que regulan a convocatoria pódense consultar no arquivo adxunto.
 20200220_Anuncio_contratacion_tractorista | [20200220_Anuncio_contratacion_tractorista] | 85 kB |
| 20200220_bases_convocatoria_contratacion_tractorista | [20200220_bases_convocatoria_contratacion_tractorista] | 84 kB |
- Detalles
- Escrito por Alicentis
- Categoría: Emprego e Desenvolvemento INICIO
- Visitas: 1350
A Consellería de Economía, Emprego e Industria publica hoxe do Diario Oficial de Galicia (DOG) a orde pola que se realiza a convocatoria para o ano 2020, no ámbito da Comunidade Autónoma de Galicia, o procedemento para a avaliación e acreditación das competencias profesionais adquiridas polas persoas a través da experiencia laboral e/ou de vías non formais de formación en determinadas unidades de competencia do Catálogo nacional de cualificacións profesionais, cofinanciado nun 80 % polo FSE con cargo ao programa operativo FSE Galicia 2014-2020.
As persoas interesadas en obter esta cualificación teñen 20 días hábiles de prazo para inscribirse
neste procedemento, para o que se convocan 1.800 prazas. Poden solicitar máis información no departamento de Desenvolvemento Local do Concello da Baña ou no teléfono 981 886 777 ou no 650 886 501.
As cualificacións profesionais incluídas nesta convocatoria son as seguintes:
- Atención sociosanitaria a persoas no domicilio (SSC089_2): 300 prazas.
- Atención sociosanitaria a persoas dependentes en institucións sociais (SSC320_2): 250 prazas.
- Socorrismo en espazos acuáticos naturais (AFD340_2): 200 prazas.
- Socorrismo en instalacións acuáticas (AFD096_2): 200 prazas.
- Docencia da formación para o emprego (SSC448_3): 100 prazas.
- Extinción de incendios e salvamento (SEA129_2): 150 prazas.
- Operacións de vixilancia e extinción incendios forestais e apoio a continxencias no medio natural e rural (SEA595_2): 150 prazas.
- Confección e mantemento de artes e aparellos (MAP005_2): 75 prazas.
- Vixiancia e seguridade privada (SEA029_2): 150 prazas, nas unidades de competencia: – UC0080_2 Vixilar e protexer bens e persoas evitando a comisión de delitos e infraccións. – UC0081_2 Acompañar as persoas para a defensa da súa integridade física.
- Instrucción en ioga ( AFD616_3): 150 prazas.
- Servizos para o control de pragas (SEA028_2): 75 prazas.