O Concello da Baña comunica que xa está aberto o prazo de matrícula para o curso 2008 / 2009 da Escola de Música.
Podes anotarte nas oficinas municipais de 10:00 a 14:00 horas.
O inicio das clases terá lugar o martes 7 de outubro.
Cursos que se van impartir
- Enderezo: Rúa das Dores, s/n
- Horario: de luns a sábado de 17:00 a 20:00 h
Aula de informática
- Iniciación (de 5 a 7 anos).
- 1º - 2º - 3º - 4º Título de grao elemental (título oficial).
- Preparación de cursos para acceder ao grao medio.
Especialidades que se van impartir
- Saxofón
- Clarinete
- Frauta
- Trompeta - Fliscorno
- Trombón
- Tuba - Bombardino
- Percusión
Obxectivos do instrumento
- Controlar o aire mediante a respiración diafragmática e os músculos que forman a embocadura para unha correcta emisión, afinación, articulación e flexibilidade do son.
- Saber utilizar os reflexos de precisión necesarios para corrixir a afinación das notas e a calidade do son.
- Coñecer as características e as posibilidades sonoras do instrumento e saber utilizalas, tanto na interpretación individual como en conxunto.
- Demostrar unha sensibilidade auditiva para o control da afinación e o perfeccionamento do son.
- Emitir un son estable, en toda a extensión do instrumento, e empezar a utizar o vibrato e os diferentes matices.
- Interpretar un repertorio básico integrado por obras de diferentes épocas e estilos.
Obxectivos do grao
- Ser conscientes da importancia da música como linguaxe artística e medio de expresión cultural.
- Expresarse con sensibilidade musical e estética para interpretar e gozar da música das diferentes épocas e estilos.
- Interpretar en público, con seguridade en si mesmos, para vivir a música como medio de comunicación.
- Interpretar música en grupo e habituarse a escoitar outras voces ou instrumentos.
- Ser conscientes da importancia do traballo individual e adquirir as técnicas de estudo que permitan a autonomía no traballo e a súa valoración.
- Valorar o silencio como elemento indispensable para desenvolver a concentración, a educación interna e o pensamento musical.
