- Detalles
- Escrito por Super Usuario
- Categoría: axenda
- Visitas: 840
BASES
1. Poderán participar todos os nenos e nenas cunha idade comprendida entre 3 e 16 anos que acudan á ludoteca da Festa da Filloa da Pedra para xogar ou exclusivamente para participar no concurso.
2. Todos os carteis terán como tema a Festa da Filloa da Pedra.
3. Cada participante presentará unha soa obra orixinal de deseño gráfico que servirá para promover a Festa da Filloa da Pedra.
4. Os/As participantes utilizarán para deseñar os carteis cartolinas brancas tamaño DIN A4 e o material de pintura que lles facilitará o persoal da ludoteca.
5. Establécense catro categorías:
Categoría 1: participantes con idades comprendidas entre 3 e 6 anos
Categoría 2: participantes con idades comprendidas entre 6 e 8 anos
Categoría 3: participantes con idades comprendidas entre 9 e 12 anos
Categoría 4: participantes con idades comprendidas entre 13 e 16 anos
6. Os/as gañadores/as de cada categoría recibirán un agasallo acorde coa súa idade e relacionado coas artes gráficas.
7. Os carteis participantes quedarán en poder do Concello da Baña que poderá reproducilos ou expoñelos no tempo e no modo que considere oportunos así como cedelos a terceiros.
8. Os orixinais entregaranse na ludoteca da Festa da Filloa da Pedra, o 3 de abril de 2011, en horario de 11.00 a 16.00 h.
9. Os traballos non poden ter ningunha referencia que facilite a identificación do/a autor/a; a organización asignaralle un número a cada cartel co fin de identificalo/a cando se resolvan os premios.
10. O xurado estará formado por persoas do ámbito da cultura ou do asociacionismo.
11. O fallo do xurado será inapelable. O xurado poderá declarar desertos algún dos premios se a calidade dos traballos non fose aceptable e valorará a orixinalidade, a creatividade e a calidade lingüística en galego en caso de que inclúan algún texto.
12. O simple feito de presentarse ao concurso supón a plena aceptación destas bases.
Ficheiros:
BASES_DO_CONCURSO_DE_CARTEIS_DA_FESTA_DA_FILLOA_DA_PEDRA.pdf
- Detalles
- Escrito por Super Usuario
- Categoría: axenda
- Visitas: 806
LIBRO 2-3 DO CLUB DE LECTURA A BAÑA EN GALEGO
| Autor: | Xosé Fernández Ferreiro |
| Título: | Agosto do 36 |
| Data de lectura: |
marzo de 2011 |
| Resumo: | Aborda o dramático tema da guerra civil en Galicia. Relata, partindo dun feito real, o “paseo” dunha parella de mestres rurais nunha aldea da serra de Ourense nos primeiros días do alzamento militar. |
| Autor: | Marina Mayoral |
| Título: | Unha árbore, un adeus |
| Data de lectura: |
marzo de 2011 |
| Resumo: | “A historia dunha muller que, mentres planta unha árbore, vai evocando, a través do diálogo cun amigo, unha parte do seu pasado. A análise fonda, chea de matices, dunha alma feminina delicada, intelixente e sensible.” |
As persoas participantes no Club de Lectura A Baña en Galego decidiron escoller como libros para este mes de marzo Agosto do 36 de Xosé Fernández Ferreiro e Unha árbore, un adeus de Marina Mayoral.
Na próxima sesión que será o 6 de abril de 2011 en horario de 16.00 a 17.00 h na biblioteca da casa da cultura compartiremos a nosa opinión sobre os libros e escolleremos a/s seguinte/s lectura/s.
Todas aquelas persoas que non participaron na primeira sesión e que estean interesadas en colaborar nas seguintes poden achegarse pola casa de cultura na data citada ou enviar os seus comentarios a través do blog do Servizo de Normalización Lingüística ao que poden acceder a través da páxina web do Concello da Baña.
- Detalles
- Escrito por Super Usuario
- Categoría: axenda
- Visitas: 832
PROBAS CELGA 2011
A Consellería de Educación e Ordenación Universitaria publicou a Resolución do 25 de xaneiro de 2011, da Secretaría Xeral de Política Lingüística, pola que se convocan as probas para a obtención dos certificados de lingua galega , niveis Celga 1, 2, 3 e 4 no ano 2011 no DOG núm. 28 con data do 10 de febreiro de 2011.
Todas as persoas que estean interesadas en presentarse á convocatoria de exames Celga do mes de xuño poden consultar a resolución no seguinte enlace:
http://www.xunta.es/linguagalega/arquivos/DOG_celga.pdf
Ficheiros:
- Detalles
- Escrito por Super Usuario
- Categoría: axenda
- Visitas: 835
ENTROIDO 2011
Data: sábado, 12 de marzo
Hora: 16.30 h
Lugar: Praza do Concello
Inscrición: Concello da Baña
Teléfono: 981 886 501 (ext. 4)
PREMIOS
Carrozas
1º premio: 420 euros
2º premio: 300 euros
3º premio: 210 euros
Comparsas
1º premio: 300 euros
2º premio: 240 euros
3º premio: 180 euros
Disfraces individuais
Mellor disfrace infantil: 90 euros
Mellor disfrace adulto: 90 euros
Despois de rematar o desfile, terá lugar a entrega de premios. Haberá actividades para os/as nenos/as no pavillón polideportivo.
Organiza: Concellaría de Cultura
Ficheiros:
- Detalles
- Escrito por Super Usuario
- Categoría: axenda
- Visitas: 860
| Autor: | Agustín Fernández Paz |
| Título: | Cartas de inverno |
| Data de lectura: | febreiro de 2011 |
| Resumo: |
“Despois dunha longa estadía en Quebec, o escritor Xavier Louzao volve a Galicia e atópase coas cartas que o seu amigo Adrián lle escribira durante a súa ausencia. Unhas cartas que, nunha espiral de enigmas, descobren os estraños sucesos que está a vivir Adrián na súa nova casa e que levan a Xavier a acudir na súa axuda.” (Edicións Xerais de Galicia) |
As persoas participantes na primeira reunión do Club de Lectura A Baña en Galego decidiron escoller como libro para este mes Cartas de inverno de Agustín Fernández Paz.
Na próxima sesión que será o 2 de marzo de 2011 en horario de 16.00 a 17.00 h na biblioteca da casa da cultura compartiremos a nosa opinión sobre o libro e escolleremos a seguinte lectura.
Todas aquelas persoas que non participaron na primeira sesión e que estean interesadas en colaborar nas seguintes poden achegarse pola casa de cultura na data citada ou enviar os seus comentarios a través do blog do Servizo de Normalización Lingüística ao que poden acceder a través da páxina web do Concello da Baña.