20250105 A Bana cabalgata Reis Magos 1

O pavillón de San Vicenzo acolleu este domingo, 5 de xaneiro, a celebración de Nadal na Baña coa visita das Súas Maxestades os Reis Magos de Oriente. A cita, que congregou a moitos veciñas e veciños, foi unha xornada inesquecible marcada pola ilusión dos máis pequenos e o ambiente familiar.

20250105 A Bana cabalgata Reis Magos 8

A partir das 17:00 horas, os Reis Magos fixeron a súa entrada triunfal no pavillón, onde foron recibidos con aplausos e miradas de admiración por parte das nenas e nenos presentes. Durante a tarde, as crianzas tiveron a oportunidade de recoller un agasallo especial e compartir os seus desexos coas Súas Maxestades.

20250105 A Bana cabalgata Reis Magos 17

A chocolatada quente e a tradicional rosca servida a continuación foron todo un éxito, ofrecendo un momento de pausa para compartir conversacións e risas entre a veciñanza.

20250105 A Bana cabalgata Reis Magos 18

O broche de ouro chegou co espectáculo dos Fabulosos Cleaners, unha actuación de Malasombra Producións que encheu o recinto de maxia e creatividade a través de pompas de xabón. Este show deixou pequenos e maiores abraiados e converteuse nun perfecto fin de festa á espera dunha noite de Reis sempre especial.

20250105 A Bana cabalgata Reis Magos 22