- Detalles
- Escrito por Super Usuario
- Categoría: axenda
- Visitas: 750
| Autor: | Marcos Calveiro |
| Título: | O pintor do sombreiro de malvas |
| Data de lectura: |
maio de 2012 |
| Resumo: |
“Un adolescente é enviado pola súa nai dende París a pasar cunha tía unha boa tempada na vila de Auvers. Durante aqueles días do verán de 1890 coñecerá a Vincent, un pintor que semella beber a vida con cada violenta pincelada sobre o lenzo e do que durante sesenta e nove días se fará inseparable, acompañándoo no seu deambular polos trigais e na súa infatigable loita contra os convencionalismos da vida provinciana. Mais o mozo tamén descubrirá o amor, coñecerá algúns misterios sobre o seu pasado e enfrontarase por vez primeira á morte, o que o obrigará a tomar unha decisión sobre o futuro que o agarda.” (Edicións Xerais de Galicia) |
Na próxima sesión que será o 6 de xuño de 2012 en horario de 16.00 a 17.00 h na casa de cultura do Concello da Baña compartiremos a nosa opinión sobre o libro e escolleremos a/s seguinte/s lectura/s.
Todas aquelas persoas que estean interesadas en participar poden achegarse pola casa de cultura na data citada ou enviar os seus comentarios a través do blog do Servizo de Normalización Lingüística (snl.concellodeabana.es) ao que poden tamén acceder a través da páxina web do Concello da Baña (www.concellodeabana.es).
- Detalles
- Escrito por Super Usuario
- Categoría: axenda
- Visitas: 756
O Servizo de Normalización Lingüística do Concello da Baña, en colaboración coa Biblioteca Municipal e con Preescolar na Casa, vai conmemorar o Día do Libro cun maratón de contacontos.
Hora: 16.30 a 20.00
Data: 24/04/2012
Lugar: casa da cultura (biblioteca municipal)
Todas as persoas interesadas en participar poden anotarse con anticipación ou achegarse pola biblioteca no mesmo día.
Contacto:
981 886 501 / 607 153 604 (Servizo de Normalización Lingüística)
981 817 605 (Biblioteca Municipal)
Sortearase un lote de libros entre todas as persoas participantes.
Ficheiros:
- Detalles
- Escrito por Super Usuario
- Categoría: axenda
- Visitas: 864
| Autor: | John Boyne | |
| Título: | O neno do pixama a raias | |
| Data de lectura: |
Marzo de 2012 |
|
| Resumo: |
“A pedimento do autor, non podemos contarche o miolo deste libro. Porén, queremos avisarche de que lerás a historia dun neno de 9 anos, que se atopará cun aramado. No mundo hai milleiros de aramados coma este. Agardamos que ti nunca te atopes con ningún e que, se o fas, teñas forzas para librarte del.” (Narrativa K) |
|
| Autor: | M.ª Xosé Queizán | |
| Título: | Ten o seu punto a fresca rosa | |
| Data de lectura: |
Marzo de 2012 |
|
| Resumo: |
(Edicións Xerais de Galicia) |
|
| Autor: | Xavier López Rodríguez | |
| Título: | O aliado inesperado | |
| Data de lectura: |
Marzo de 2012 |
|
| Resumo: |
“Os principais protagonistas de O aliado inesperado son un lobo ferido por un lazo de aceiro e un home ferido pola vida. Na novela desenvólvese unha insólita alianza contra a soidade e o medo, nunha illada aldea da montaña. A través dos recordos do home protagonista, que é o último habitante do seu pequeño mundo, Xavier López Rodríguez conta historias de tempos en que a looita contra os lobos se disfrazaba de necesidade para caer en ritos ateigados de crueldade, e outras máis actuais pero non menos inquietantes. A novela invita a reflexionar sobre as razóns polas que moitas aldeas acaban desertas, só cheas de espazo e silencio, precisamente dous dos bens que máis botan en falta moitos residentes nas grandes cidades.” (Alfaguara) |
Na próxima sesión que será o 11 de abril de 2012 en horario de 16.00 a 17.30 h na casa de cultura do Concello da Baña compartiremos a nosa opinión sobre os libros e escolleremos a/s seguinte/s lectura/s.
Todas aquelas persoas que estean interesadas en participar poden achegarse pola casa de cultura na data citada ou enviar os seus comentarios a través do blog do Servizo de Normalización Lingüística (snl.concellodeabana.es) ao que poden acceder a través da páxina web do Concello da Baña (www.concellodeabana.es).
- Detalles
- Escrito por Super Usuario
- Categoría: axenda
- Visitas: 861
| Autor: | Agustín Fernández Paz |
| Título: | Non hai noite tan longa |
| Data de lectura: |
Abril de 2012 |
| Resumo: |
“Gabriel Lamas ten cincuenta anos e vive en París desde 1970. Aos dezaoito anos marchou de Monteverde, a súa vila natal, e nunca máis volveu. Nin sequera cando morreu o seu pai, inxustamente acusado dun delito polo que foi condenado e encarcerado, nun proceso que provocou a súa morte, en 1972. Só trinta e dous anos despois, o falecemento da súa nai é o que o forza a regresar. Entón, comprobará que nunca podemos fuxir do noso pasado e que as feridas mal curadas non deixan de supurar. O encontro coa ánima do seu pai, na desolada casa familiar, cambiaralle a vida para sempre. En Non hai noite tan longa atopamos os ecos dos temas esenciais da literatura e das figuras dos personaxes clásicos, inseridos nunha narración de escrita transparente que flúe coma a auga. Unha obra de lectura engaiolante, debedora das técnicas da novela negra, que ofrece unha minuciosa indagación moral e unha ácida ollada crítica sobre a nosa sociedade en dous momentos da historia próxima: os últimos anos da ditadura e os primeiros do século XXI. Mais tamén, como acuñou Shakespeare nunha das pasaxes máis citadas de Macbeth –“Reunide todo o ánimo que poidades. Que non hai noite tan longa que non remate en día”-, esta obra propón unha mensaxe de confianza no futuro e na recuperación da dignidade das persoas. Unha novela que non ha deixar a ninguén indiferente, chamada a converterse nun clásico do noso tempo.” (Edicións Xerais de Galicia) |
Na próxima sesión que será o 2 de maio de 2012 en horario de 16.00 a 17.30 h na casa de cultura do Concello da Baña compartiremos a nosa opinión sobre o libro e escolleremos a/s seguinte/s lectura/s.
Todas aquelas persoas que estean interesadas en participar poden achegarse pola casa de cultura na data citada ou enviar os seus comentarios a través do blog do Servizo de Normalización Lingüística (snl.concellodeabana.es) ao que poden tamén acceder a través da páxina web do Concello da Baña (www.concellodeabana.es).
- Detalles
- Escrito por Super Usuario
- Categoría: axenda
- Visitas: 799
A caravana Galego de cine da Rede de Dinamización Lingüística da Secretaría Xeral de Política Lingüística proxectará curtas de animación en galego para nenos e nenas de 6 a 12 anos o próximo 1 de abril no exterior do CPI San Vicente a partir das 16.00 h.
Os/As vinte nenos e nenas que se inscriban previamente na casa do concello poderán tamén participar nunha serie de actividades que lles permitirán ter un papel activo no achegamento ao cinema en lingua galega: actividades de comprensión do filme, confección dun conto orixinal e fase de vídeo-matón.
Este grupo de nenos e nenas participarán nun concurso onde se premiarán os mellores contos en galego contados ante a cámara. Os/as gañadores/as recibirán o libro-DVD O soldadiño de chumbo.
Ficheiros: