20230122 A Banha I Carreira San Vicenzo 24

Preto dun cento de atletas participaron onte na I Carreira de San Vicenzo, unha proba non competitiva de catro quilómetros apadriñada polo karateca Nicolás Carnota. A carreira, que coincidiu coa celebración das festas patronais de San Vicenzo, substituíu á II San Silvestre, que se suspendeu o pasado 31 de decembro de 2022 debido ao mal tempo.

 20230122 A Banha I Carreira San Vicenzo 20

O bó ambiente e as ganas de pasalo ben foron unha constante entre todas as persoas participantes e durante toda a mañá. A I Carreira San Vicenzo, organizada pola Concellería de Promoción da Vida Activa e Deporte,  comezou coa música dos Gaiteiros da Baña e acabou co centenar de participantes tomando as lambetadas mentres soaban, a golpe de bocinazo, as 12 badaladas de San Vicenzo (simulando as badaladas de fin de ano da proba suspendida o 31 de decembro). 

 20230122 A Banha I Carreira San Vicenzo 100

Ao rematar os catro quilómetros, que os gaiteiros da Baña fixeron tocando gran parte do percorrido, a rapazada puido gozar cos inchables instalados na praza do concello, mentres o Dúo Rosán animaba a sesión vermú. Todas as persoas participantes puideron degustar chocolate quente.

Album de fotos na páxina de Facebook do Concello da Baña (neste enlace).

 20230122 A Banha I Carreira San Vicenzo 55