Detalles

Escrito por Alicentis

Categoría: Desenvolvemento local

Publicado: 06 Marzo 2021

Visto: 915

• Poderán beneficiarse os establecementos do municipio que tiveron que pechar durante a pandemia

• O goberno local reserva unha partida de 20.000 euros nos presupostos de 2021, que deberán aprobarse para sacar adiante a iniciativa

• O presidente dos empresarios considera que esta medida “suporá un pequeno alivio para o tecido produtivo da Baña”

O Concello da Baña vai preparar unha convocatoria de axudas dirixidas as empresas e comercio local que tivo que pechar por mor da pandemia, para axudarlles a afrontar algúns dos gastos correntes que teñen que asumir, entre eles as taxas polos servizos municipais. Este foi un dos compromisos que adquiriu o alcalde, José Antonio Pereira, co presidente da Asociación de Empresarios A Baña Emprende, Rafael Vieito, despois da reunión que ambos mantiveron no Concello.

Dar a coñecer o tecido empresarial do municipio, xerar sinerxías entre elas, e difundir os recursos que teñen ao seu alcance son algúns dos obxectivos que persegue a Asociación A Baña Emprende, recentemente constituída. Na reunión co alcalde, Rafael Vieito solicitoulle unha liña de axudas que permitan aos empresarios e comercios do municipio aliviar un pouco a súa situación económica.

Nesta liña, alcalde e presidente consideran factible que estas axudas do Concello, que poderán chegar ata 20.000 euros se se aproban os orzamentos para o presente exercicio, vaian dirixidas a aqueles negocios ou empresas “que tiveron que pechar obrigatoriamente na súa actividade por indicación das autoridades sanitarias”, indicou o alcalde. Rafael Vieito considera importante poder sacar adiante a iniciativa, “que suporá un pequeno alivio para o tecido produtivo da Baña”.

O equipo de goberno está xa a traballar na redacción das bases desta convocatoria, “que non poderemos poñer en marcha ata que non se aproben os presupostos municipais de 2021, pois nos actuais non existe partida orzamentaria para elo”. A idea e darlle facilidades ás empresas e negocios para que poidan destinar estas axudas “a pagar as taxas municipais, gastos de aluguer, seguros cotas de seguridade social de traballadores ou autónomos, seguros”, entre outras partidas, engade o alcalde.

Detalles

Escrito por Alicentis

Categoría: Desenvolvemento local

Publicado: 02 Marzo 2021

Visto: 778

• Mañá, mércores, desenvolverase un webinar gratuíto para aprender a usar esta ferramenta

A Xunta de Galicia habilitou a páxina web Turespazo para que as persoas adicadas á hostalaría en toda Galicia poidan calcular a capacidade máxima dos seus locais e descargar o cartaz co código QR, que obrigatoriamente deberán poñer a disposición da súa clientela a partir do vindeiro venres 5 de marzo. 

Para axudarlles a empregar esta ferramenta, Turismo de Galicia programou para mañá, mércores 3 de marzo, un webinar gratuíto no que explicará o funcionamento da web Turespazo e os pasos que deberán dar os hostaleiros para poder calcular o aforo máximo dos locais e facer a descarga dos códigos QR, pois terán que colocar ámbolos elementos no seu establecemento de xeito visible.

O webinar desenvolverase a partir das 11:00 da mañá e terá unha duración de ao redor dunha hora. Participarán no mesmo a directora da Axencia Turismo de Galicia, Nava Castro; o responsable da Área de Innovación Turística, Jorge Barreiro Rodas; e o presidente do Clúster Turismo de Galicia, Cesáreo González Pardal. 

Par participar no webinar é necesario inscribirse na seguinte ligazón, que remite á paxina informativa do mesmo. As dúbidas poderán consultarse directamente a través do chat do webinar.

Nos documentos adxuntos, pódense consultar tamén: 

- Manual de uso da páxina web Turespazo.
- Guía rápida da Declaración de capacidade máxima.
- Manual do procedemento da Declaración responsable da capacidade máxima.

Attachments:

Guia-rapida-Declaracion-Capacidade-Maxima.pdf	[ ]	2659 kB
Manual de uso da páxina web Turespazo_baja.pdf	[ ]	3718 kB
Procedemento_declaracion_responsable_aforo_baja.pdf	[ ]	966 kB

Detalles

Escrito por Alicentis

Categoría: Desenvolvemento local

Publicado: 04 Marzo 2021

Visto: 1087

O Concello da Baña, para dar cumprimento as bases da convocatoria das axudas do PEL Reactiva da Deputación da Coruña, facilita a imaxe que as empresas beneficiarias deberán imprimir e colocar nun lugar visible da empresa para darlle promoción a esta iniciativa.

A imaxe que deben imprimir figura en formato PDF no documento adxunto, e en JPG no encabezado desta nova.

O pasado 20 de xaneiro, o Concello da Baña facía pública a resolución da alcaldía que recolle a relación de subvencións concedidas, desestimadas e denegadas en resposta ás solicitudes recibidas polo consistorio ao abeiro da convocatoria do PEL-Reactiva, plan da Deputación da Coruña para a reactivación económica e social co obxecto de facerlle fronte á crise xerada pola pandemia da covid-19. 

A resolución pódese consultar no documento adxunto.

Attachments:

20210120_concesion_subvencions_pelreactiva.pdf	[ ]	255 kB
Cartel_imprimir_empresa_beneficiaria_PEL_Reactiva	[ ]	627 kB

Detalles

Escrito por Alicentis

Categoría: Desenvolvemento local

Publicado: 02 Marzo 2021

Visto: 578

A Axencia Galega de Infraestruturas da Xunta de Galicia vén de remitirlle ao Concello da Baña o aviso de que se somete a exposición pública o Catálogo de estradas da Rede Autonómica de Estradas de Galicia. Logo da publicación do anuncio no DOG o pasado día 1, o catálogo exporase no Concello ata o 15 de abril para que as persoas interesadas poidan presentar alegacións ou suxerencias.

O Catálogo que se somete a información pública recolle a clasificación técnica das estradas da rede autonomica, a súa identificación e denominación, os puntos inicial e final de cada un dos treitos que a constitúen e a súa respectiva lonxitude, así como a súa representación gráfica.

A documentación pode consultarse tamén premendo neste enlace.