- Detalles
- Escrito por Alicentis
- Categoría: Desenvolvemento local
- Visto: 1113
- Mañá, mércores, desenvolverase un webinar gratuíto para aprender a usar esta ferramenta
A Xunta de Galicia habilitou a páxina web Turespazo para que as persoas adicadas á hostalaría en toda Galicia poidan calcular a capacidade máxima dos seus locais e descargar o cartaz co código QR, que obrigatoriamente deberán poñer a disposición da súa clientela a partir do vindeiro venres 5 de marzo.
Para axudarlles a empregar esta ferramenta, Turismo de Galicia programou para mañá, mércores 3 de marzo, un webinar gratuíto no que explicará o funcionamento da web Turespazo e os pasos que deberán dar os hostaleiros para poder calcular o aforo máximo dos locais e facer a descarga dos códigos QR, pois terán que colocar ámbolos elementos no seu establecemento de xeito visible.
O webinar desenvolverase a partir das 11:00 da mañá e terá unha duración de ao redor dunha hora. Participarán no mesmo a directora da Axencia Turismo de Galicia, Nava Castro; o responsable da Área de Innovación Turística, Jorge Barreiro Rodas; e o presidente do Clúster Turismo de Galicia, Cesáreo González Pardal.
Par participar no webinar é necesario inscribirse na seguinte ligazón, que remite á paxina informativa do mesmo. As dúbidas poderán consultarse directamente a través do chat do webinar.
Nos documentos adxuntos, pódense consultar tamén:
- Manual de uso da páxina web Turespazo.
- Guía rápida da Declaración de capacidade máxima.
- Manual do procedemento da Declaración responsable da capacidade máxima.
 Guia-rapida-Declaracion-Capacidade-Maxima.pdf | [ ] | 2659 kB |
| Manual de uso da páxina web Turespazo_baja.pdf | [ ] | 3718 kB |
| Procedemento_declaracion_responsable_aforo_baja.pdf | [ ] | 966 kB |
- Detalles
- Escrito por Alicentis
- Categoría: Desenvolvemento local
- Visto: 872
A Axencia Galega de Infraestruturas da Xunta de Galicia vén de remitirlle ao Concello da Baña o aviso de que se somete a exposición pública o Catálogo de estradas da Rede Autonómica de Estradas de Galicia. Logo da publicación do anuncio no DOG o pasado día 1, o catálogo exporase no Concello ata o 15 de abril para que as persoas interesadas poidan presentar alegacións ou suxerencias.
O Catálogo que se somete a información pública recolle a clasificación técnica das estradas da rede autonomica, a súa identificación e denominación, os puntos inicial e final de cada un dos treitos que a constitúen e a súa respectiva lonxitude, así como a súa representación gráfica.
A documentación pode consultarse tamén premendo neste enlace.
- Detalles
- Escrito por Alicentis
- Categoría: Desenvolvemento local
- Visto: 1269
- Detalles
- Escrito por Alicentis
- Categoría: Desenvolvemento local
- Visto: 1507
Onte, 23 de decembro, entraron en vigor as novas concesións e liñas do Plan de Transporte Público de Galicia. Isto supón para A Baña un cambio na empresa de transportes que viña prestando o servizo de conexión por bus con Santiago e Negreira, e tamén nas frecuencias e horarios dos autobuses que pasan polo municipio. Os contratos coas novas adxudicatarias terán unha vixencia de dez anos.
Deixamos no arquivo adxunto a información dos autobuses cos que contará A Baña a partir de agora, con paradas e horarios.
| 20201224_horarios_buses.pdf | [ ] | 257 kB |
- Detalles
- Escrito por Alicentis
- Categoría: Desenvolvemento local
- Visto: 1565
Marta, en infantil; Anna Mourelle, en primaria; e Paula Pais, en secundaria, son as gañadoras do concurso de postais de Nadal organizado polo Concello da Baña. Cada unha delas recibirá como premio un agasallado relacionado coas artes gráficas, mentres que as creacións destas pequenas artistas empregaranse para felicitar estas festas e desexar un ventureiro aninovo a toda a veciñanza.
Aberto a todo o alumnado dos centros educativos ubicados na Baña, o concurso convidaba ás crianzas a presentar un deseño gráfico da súa autoría acompañado dunha felicitación en galego.
O xurado, vencellado á educación, á plástica e á lingua, escolleu os traballos que considerou máis representativos en tres categorías distintas, establecidas segundo a idade dos participantes.