6 de setembro de 2023

O Concello da Baña publica a resolución da alcaldía coa listaxe definitiva de alumnado admitido no programa de madrugadores do CPI San Vicente para o curso 2023-2024. A listaxe pode consultarse nesta ligazón e en arquivo adxunto. 

 

28 de agosto de 2023
 
O Concello da Baña abre hoxe o prazo de inscrición para o programa A Baña madruga para facilitar a conciliación das familias con menores escolarizados no CPI San Vicente da Baña e desenvolver un proxecto educativo para fomentar hábitos saudables e valores de respecto, tolerancia, convivencia e educación en igualdade. 
 
O servizo vai dirixido a nenos e nenas de entre 3 e 16 anos e ofértanse un total de 15 prazas, das cales unha estará reservada para supostos de emerxencia social.
 
Este servizo ofrecerase dende setembro do 2023 ata xuño do 2024 (ambos incluídos), coincidindo co calendario escolar anual nun horario de 7:30 a 9:15 horas. 
 
O prazo de inscrición é de 7 días naturais. Se quedaran prazas libres manterase aberta ao longo do curso.
 
A contía do servizo é de 40 euros mensuais pola gardería e de 50 en caso de engadir almorzo. A utilización ocasional quedará supeditada á existencia de prazas suficientes cun custe de 4 euros ao día por gardería e almorzo. 
 
As familias numerosas que así o acrediten disporán dun desconto do 20% nos prezos.
 
As bases de funcionamento deste servizo e a ficha de inscrición poden descargarse nos arquivos adxuntos.
 

 

Dende este sábado 26 de agosto poderase formalizar na sede electrónica do concello e dende o luns de xeito presencial

O custo mensual será de 24,20 euros e o trimestral de 72,60 no caso das persoas empadroadas na Baña

 

Escola Teatro Bana

 

O Concello da Baña inicia o período de inscrición na Escola Municipal de Teatro, un servizo que impartirá nocións básicas e medias de arte escénica para a veciñanza a partir dos 3 anos e que se desenvolverá nos meses propios do curso escolar, en horario de tarde con Xan Martínez como profesor.

Esta actividade pretende  enriquecer e contribuír a promoción cultural da veciñanza, así coma o desenvolvemento integral e artístico das persoas usuarias dando prioridade á hora da inscrición aos solicitantes menores de idade, a partir dos 3 anos, empadroados na Baña. 

A inscrición poderá formalizarse dende hoxe, sábado 26 de agosto, na sede electrónica do concello, e, de xeito presencial na casa consistorial, a partir do luns día 28. O período inicial de matrícula é de 10 días hábiles. No suposto de que, transcorrido este período, queden prazas vacantes calquera persoa interesada que cumpra cos requisitos e presente a documentación requirida nas bases, poderá inscribirse e solicitar a súa participación na Escola de Teatro.

As solicitudes deberán incluír: ficha de inscrición; impreso cuberto da orde de domiciliación de recibos; autorización de captación de imaxe e son así como do uso do número de teléfono; e copias do DNI da persoa usuaria e da persoa titular da conta. As solicitudes de menores de idade deberán ser asinadas pola nai, pai ou titor/a legal do menor. Os formularios pódense descargar nos arquivos adxuntos

As clases desenvolveranse en horario de tarde, durante o curso escolar, quedando pendente de fixar o horario ata que remate o prazo de matrícula e se forme grupo. As clases serán impartidas por Xan Martínez.

A Escola Municipal de Teatro terá unha custo mensual de 24,20 euros e trimestral de 72,60 no caso das persoas empadroadas no Concello da Baña. As persoas de fora do municipio deberán aboar 48,40 como importe mensual e 145,20 ao trimestre. 

A Escola Municipal de Teatro botou a andar o pasado mes de decembro coincidindo co trinta aniversario da fundación da escola de teatro bañense Berenguela, que chegou a ser coñecida en toda Galicia tanto pola formación de intérpretes como pola posta en escena de obras de moi diversa índole. 

Subvencions banha1O Concello da Baña vai recibir unha subvención de 5.333 euros da Deputación da Coruña para o manemento do persoal técnico en animación sociocultural durante o ano 2023.

O Boletín Oficial da Provincia publicaba onte, mércores 5 de xullo, a resolución definitiva pola cal se concede este importe ao Concello da Baña ao abeiro do Programa FO206: Programa de subvencións a concellos e outras entidades locais para financiar gastos de persoal técnico nos servizos municipais de cultura en 2023.

A resolución do BOP pode consultarse no documento adxunto.

  • Ao espectáculo, de entrada libre, asistiron os sesenta nenos e nenas que participan no campamento de conciliación

  • Baños na piscina, xogos tradicionais, gimkanas e varias festas inclúense nun programa centrado no respecto ao medio ambiente

O espectáculo Peque Disco Moc Moc animou este mediodía a toda a rapazada que se achegou á área recreativa de Agra de Chans. Nenas e nenos, na súa maioría participantes no campamento de conciliación municipal, cantaron, bailaron, fixeron coreografías e desfrutaron con Mere Clown de números de acrobacias e malabares con lume.

A actuación, aínda que de entrada libre, foi unha máis das propostas das que nestes días poden gozar as rapazas e rapaces do campamento de verán, que cubriron as sesenta prazas dispoñibles tanto nas dúas quendas quincenais de xullo (entre o 3 e o 28 de xullo) como nesta primeira de agosto (do 31 de xullo ao 11 de agosto).

Coas miras postas na Axenda 2023 para o Desenvolvemento Sostible, a cativada desenvolve nestes días múltiples actividades lúdicas e culturais vencelladas á educación ambiental. Fixeron, así, obradoiros de reciclaxe, pero tamén puideron gozar de baños na piscina, gimkanas ou xogos tradicionais. Tiveron tamén un grande éxito a festa da auga, a festa holi e os inchables.

O campamento municipal de conciliación prosegue ata o 8 de setembro. 

28 de xuño de 2023

Faise pública a listaxe definitiva de nenas e nenos admitidos para o Campamento de Verán 2023, que pode consultarse no documento adxunto a esta nova (neste enlace).

 

20 de xuño de 2023

Faise pública a listaxe provisional de nenas e nenos admitidos para o Campamento de Verán 2023, que pode consultarse no documento adxunto a esta nova (neste enlace). Outórgase un prazo para a mellora da documentación de dous días hábiles.

Ao quedar prazas libres nas quendas de agosto, acórdase tamén que as familias poderán solicitar praza con quince días de antelación á data desexada.

 

27 de maio de 2023

Campamento de verán logos. A Baña. 2

 

O Concello da Baña vén de abrir o prazo de inscrición para participar no Campamento de Verán 2023, no que poderán participar nenos e nenas escolarizadas de entre 3 e 14 anos entre o 3 de xullo e o 8 de setembro. Con esta medida, o Concello quere facilitar a conciliación familiar durante as vacacións escolares.

O campamento desenvolverase en Agra de Chans, en horario de 8.00 a 14.30 horas de luns a venres laborais, e terán preferencia as familias empadroadas na Baña ou que traballen no concello con necesidades de conciliación. De quedar prazas vacantes, poderán anotarse as crianzas que cumpran cos requisidos que figuran nas bases.

O prezo do Campamento de Verán 2023 para as persoas censadas na Baña  é de 100 euros mensuais (50 cada quincena) no caso de que só participe un menor da unidade familiar; 75 € polo segundo irmán ou irmá (37,5 a quincena) e 50 € polo terceiro (25 € quincena). Para as persoas non censadas, as contías a abonar serán de 193, 145 e 96 euros ao mes (a metade se acude unha quincena. Naqueles casos nos que a unidade familiar, empadroada na Baña, non conte cuns ingresos iguais ou superiores a dúas veces o IPREM (600 €/mes), e tras a emisión do informe pertinente, a contía a pagar será 40€ se só participa un menor, 30 €# polo segundo e 25 € polo terceiro, respectivamente. O prezo da primeira semana de setembro será o equivalente a media quincena, segundo cada caso. 

Segundo as bases que regulan o Campamento de Verán 2023, aprobadas polo Concello, as solicitudes deberán ir asinadas polo pai, nai ou titor\a legal. Ademais de cubrir a folla de inscrición, as persoas solicitantes deberán aportar unha fotocopia do DNI do\a menor, a fotocopia do documento de identidade da persoa titular da conta; a tarxeta sanitaria, e, de ser o caso, o informe médico que acredite calquera tipo de tratamento especial.

Unha vez cumprimentada a ficha de inscrición, esta debe presentarse, xunto co resto da documentación, ben no rexistro do Concello, en horario de 9.00 a 14.00 horas, ou ben por sede electrónica ata o 9 de xuño.

No baremo das prazas terán prioridade os menores cuxa unidade familiar estea empadroada na súa totalidade no municipio. En segundo lugar, os menores que sexan fillos\as do persoal que presta servizo no Concello da Baña e despois as crianzas censadas no municipio.

A listaxe de persoas admitidas no Campamento de Verán 202e publicarase tanto na páxina web do Concello como nas oficinas municipais. E, de non existir ningunha reclamación, elevarase a definitiva, é dicir, que as prazas quedarán oficialmente concedidas.

No caso de que as inscricións presentadas en prazo superen as prazas ofertadas, o Concello procederá a un sorteo público. Os\as  solicitantes que queden sen praza pasarán a formar parte dunha listaxe de agarda. Todas as inscricións presentadas fóra de prazo pasarán tamén a formar parte da listaxe de agarda pero a continuación das presentadas dentro do prazo.

As cotas pagaranse unha vez que se saiba que a persoa solicitante conta con praza, logo da publicación da listaxe definitiva de persoas admitidas e nun período máximo de 10 días. O pagamento farase na conta que o Concello da Baña ten habilitada no banco Santander ES26 0238 8191 8806 6000 1061.

As persoas interesadas poden consultar a bases na páxina web do Concello da Baña e tamén descargar a ficha de inscrición.