- Detalles
- Escrito por Alicentis
- Categoría: Emprego e Desenvolvemento INICIO
- Visitas: 969
30 de xuño de 2020
Faise pública a acta da comisión seleccionadora e a proposta que esta fai á alcaldía para a contratación dun tractorista ao abeiro do programa Aprol Rural 2020, en réxime laboral temporal, por un período de 9 meses.
A acta pódese consultar no documento adxunto.
23 de xuño de 2020
Publícanse no Boletín Oficial da Provincia do 23 de xuño as bases para a contratación dun tractorista ao abeiro do programa Aprol Rural 2020, en réxime laboral temporal, por un período de 9 meses. O obxecto deste contrato é o desenvolvemento do Servizo de silvicultura, biomasa, limpeza de montes e outras tarefas de valorización forestal do Concello da Baña.
As persoas interesadas en participar neste proceso selectivo deberán ser desempregados/as inscritos/as na Oficina Pública de Emprego de Galicia.
As bases e o anuncio desta convocatoria pódense consultar nos documentos adxuntos.
 Anuncio de contratación dun tractorista | [Anuncio de contratación dun tractorista] | 37 kB |
| Bases de contratación dun tractorista | [Bases de contratación dun tractorista] | 832 kB |
| 20200630_proposta_contratacion_tractorista | [20200630_proposta_contratacion_tractorista] | 342 kB |
- Detalles
- Escrito por Alicentis
- Categoría: Emprego e Desenvolvemento INICIO
- Visitas: 859
30 de xuño de 2020
Faise pública a proposta da alcaldía coa decisión da comisión seleccionadora de contratación dunha persoa socorridas, en réxime laboral tempora, por un período de 2 meses, segundo o programa de fomento do emprego e mellora da empregabilidade no ámbito de colaboración coas entidades locais da Consellería de Economía, Emprego e Industria.
A proposta pódese consultar no documento adxunto.
23 de xuño de 2020
Publícanse no Boletín Oficial da Provincia do 23 de xuño as bases para a contratación dunha persoa traballadora como socorrista, en réxime laboral temporal, por un período de 2 meses. O obxecto deste contrato é o desenvolvemento do servizo denominado Servizo de salvamento e socorrismo do Concello da Baña, a cargo da subvención para o fomento do emprego e mellora da empregabilidade no ámbito de colaboración coas entidades locais da Consellería de Economía, Emprego e Industria.
As persoas interesadas en participar neste proceso selectivo deberán ser desempregados/as inscritos/as na Oficina Pública de Emprego de Galicia.
As bases e o anuncio desta convocatoria pódense consultar nos documentos adxuntos.
| Anuncio de contratación dunha persoa socorrista | [Anuncio de contratación dunha persoa socorrista] | 39 kB |
| Bases de contratación dunha persoa socorrista | [Bases de contratación dunha persoa socorrista] | 770 kB |
| 20200630_proposta_contratacion_socorrista | [20200630_proposta_contratacion_socorrista] | 241 kB |
- Detalles
- Escrito por Alicentis
- Categoría: Emprego e Desenvolvemento INICIO
- Visitas: 4593
-
Esta senda circular de 7,5 quilómetros percorre a zona na que vivían as personaxes que Manuel Iglesias Turnes recolle no libro
-
O propio autor lévanos no vídeo a onde vivían os protagonistas e aos lugares que frecuentaban
-
Tracks da ruta nos arquivos adxuntos a esta nova, que se pode ver tamén en Wikiloc (neste enlace)
O Concello da Baña estrea hoxe un documental sobre a Ruta literaria As rapazas de Xan, que percorre a parroquia de Cabanas amosando os lugares onde vivían as personaxes que Manuel Iglesias Turnes recolle no seu libro, do mesmo nome, editado por Xerais Narrativa en 2012. Con este vídeo, o Concello conmemora o Día das Letras Galegas 2020 e anima a veciños e visitantes a percorrer esta ruta de sendeirismo, de 7,5 quilómetros de lonxitude e unha dificultade baixa.
“Con este vídeo amosamos algunhas das paraxes que hai en Cabanas e animamos os amantes da natureza a que, en canto poidan, veñan camiñar por esta ruta e descubrir algúns dos segredos do libro”, afirma a concelleira de Cultura da Baña, Mónica González.
O vídeo pódese na canle de Youtube do Concello da Baña. O propio autor da novela lévanos a algúns dos lugares nos que transcorre a trama de As rapazas de Xan, que narra unha historia de amor entre Manuel e Carmela que se sitúa durante os tempos da posguerra en Cabanelas (Cabanas) entre malla e malla. Manuel Iglesias Turnes amósanos no vídeo algunhas das casas de Cabanas onde vivían as personaxes (as casa do Carreiro, de Roque, de Xan de María, de Bras, de Xirome), e tamén algunhas das paraxes que se visitan durante a ruta e que son significativas na propia novela.
Dende Palleiros, comezo da ruta, pódese gozar dunha vista xeral tanto de Cabanas (Cabanelas no libro) como da agra onde transcorre a novela. Sobredochán, o agro da Xesteira (onde Abel lle pega dous tiros a Sidoro, o violador da súa irmá), o Muíño do Medio, a carballeira do igrexario, a reitoral e o campo da festa de Cabanas son outros dos lugares que se percorren durante a ruta e que se poden ver no vídeo, producido por Alicentis SL con guión de Carme Pereiro, técnica de normalización lingüística do Agrupamento A Baña-Negreira.
Manuel Iglesias Turnes describe na novela o complexo tecido de relacións que compoñen a vida na aldea de Cabanelas nos difíciles tempos da posguerra, marcada pola ausencia de futuro e coa emigración como unha das saídas máis favorables. O vídeo remata no monte de Pedra Longa, dende onde Xan, cheo de amargura, viu marchar para Montevideo á súa filla e á súa neta.
Conmemorar o Día das Letras Galegas 2020 destacando a obra dun autor local (Manuel Iglesias Turnes é natural de Cabanas) é un dos obxectivos desta iniciativa. Ademais, coa promoción da ruta e do vídeo, o Concello da Baña quere poñer en valor o rural como lugar de residencia, e resaltar a calidade de vida e as espectaculares paisaxes que se poden gozar nunha aldea como Cabanas. “Tempos como os que estamos a vivir axúdannos a valorar a importancia do que temos máis preto”, sinala Mónica González, quen anima a todos os amantes da natureza a facer esta ruta literaria por Cabanas.
O Concello da Baña ten xeolocalizada esta ruta circular, que pasa por Cabanas e Guimaráns, de 7,5 km de lonxitude e con apenas desniveis. Os tracks para facer o percorrido pódense descargar nos arquivos adxuntos.
Una vez descargado, o arquivo 'RutaRapazasXan_kml' pódese executar en Google Earth para facer a ruta. Google Earth pódese descargar neste enlace (preme aquí)
A ruta literaria As Rapazas de Xan pódese consultar tamén na aplicación Wikiloc neste enlace (preme aquí)
 Ruta_RapazasDeXan_gpx | [Ruta_RapazasDeXan_gpx] | 27 kB |
| Ruta_RapazasDeXan_kml | [Ruta_RapazasDeXan_kml] | 8 kB |
- Detalles
- Escrito por Alicentis
- Categoría: Emprego e Desenvolvemento INICIO
- Visitas: 999
O Concello da Baña e o GDR Asociación Terras de Compostela organizan o vindeiro xoves, 4 de xuño, un taller sobre medidas hixiénico sanitarias fronte ao covid-19 dirixido ao sector turístico.
O curso desenvolverase na aula de formación das Escolas Vella, en San Vicenzo, de 10.00 a 12.30 horas, e emitirase un certificado de asistencia.
Só están dispoñibles 20 prazas, e os interesados deberán inscribirse nos teléfonos do Concello da Baña 981 886 777 ou 682 859 367 ou a través do enderezo electrónico da Asociación Terras de Compostela, Este enderezo de correo está a ser protexido dos robots de correo lixo. Precisa activar o JavaScript para velo..
O curso está organizado polo Concello e o GDR Terras de Compostela, en colaboración con Agader, Ministerio de Agricultura, Pesca y Alimentación, a Consellería do Medio Rural e o plan Feader da Unión Europea.
- Detalles
- Escrito por Alicentis
- Categoría: Emprego e Desenvolvemento INICIO
- Visitas: 1149
A Consellería do Medio Rural publicou o pasado martes, 5 de maio, no Diario Oficial de Galicia unha Orde sobre a venda directa de produtos agrogandeiros nos mercados, a venda e produtos vexetais para a plantación en hortas de consumidores finais e o desprazamento de agricultores e viticultores para os efectos da realización de actividades agrarias.
Esta orde establece que aquelas persoas que se teñan que desprazar para coidar cultivos ou viñas de autoconsumo deberán levar consigo unha declaración responsable na que se identifique a parcela que se vai coidar e o tipo de cultivo que se realiza nela.
O Concello da Baña facilítalle á veciñanza un modelo de declaración responsable para que o poidan cubrir e levar consigo cando teñan que desprazarse para coidar estas leiras.
A identificación da parcela deberá facerse, preferentemente, indicando o número de referencia catastral, que se atopa no recibo da contribución. En caso de non localizar este número poden chamar por teléfono ao Concello (981 886 501) para que llo faciliten.
Na situación actual da desescalada, permítese o desprazamento de dúas persoas para o coidado de cultivos para autoconsumo. A orde da Consellería do Medio Rural establece que estes traballos se levarán a cabo en todo caso polo tempo mínimo e imprescindible, e respectando as distancias de seguridade e demais protocolos de prevención establecidos pola autoridade sanitaria. Na declaración responsable deberá especificarse esta situación, sinalando en concreto o tipo de traballos ou cultivos ou, se é o caso, a causa xustificada de que se trate.
O desprazamento para o coidado de cultivos ou viñedos para autoconsumo pódese facer dentro do mesmo termo municipal no que se teña fixado o domicilio ou a un municipio adxacente.
O modelo de declaración responsable pode descargarse no arquivo adxunto.
 20200507_Declaracion_Responsable_Cultivos | [20200507_Declaracion_Responsable_Cultivos] | 31 kB |