- Detalles
- Escrito por Alicentis
- Categoría: Cultura e educación
- Visitas: 943
Os vindeiros días 23, 24 e 25 de abril celebraranse no Local social de Corneira os talleres “O meu primeiro xabón, “Xabón medicinal” e “Como tratar a pel despois do sol”. Os obradoiros faranse de 17.00 a 19.00 horas e terá un custo de 5€.
Para máis información, chama ao 981 886 777, ou ao 682 859 367.
- Detalles
- Escrito por Alicentis
- Categoría: Cultura e educación
- Visitas: 856
Manuel Vilar Álvarez presentou o pasado venres, 29 de marzo, na antiga Escola de Seoane a súa obra “De Santiago a Muxía por Brandomil”. Esta guía do Camiño que une Compostela con Muxía, pasando polo Concello da Baña, naceu co obxectivo de contar as historias que transcorren por esta parte do Camiño e para axudar aos peregrinos. Ademais de recuperar unha ruta milenaria despois de máis de 20 anos de loita.
No acto de presentación desta guía que pasa por Seoane, Fontecada, A Pereira, Antes, Baíñas e Berdoias interviron José Andrés García Cardeso, alcalde da Baña, Mª Paz Gago Gómez, licenciada en Historia pola USC, Manuel Vilar Álvarez, autor do libro e Henrique Alvarellos Casas, o editor. Mais estivo presidido por membros de todas as agrupacións que conforman a corporación bañense.
Todos eles salientaron as orixes e a historia da ruta que, gracias á súa nova implantación, dinamizará cultural e economicamente todos os municipios que atravesa, entre eles A Baña. Ademais, contaron algunha que outra anécdota das que recolle a guía e falaron dos vestixios que aínda perduran no camiño, que demostran que esta ruta xa existía fai centos de anos.
Ao rematar, os Campantes da Baña amenizaron o aperitivo que tiñan preparado para todos os asistentas á presentación da guía “De Santiago a Muxía por Brandomil”, de Manuel Vilar Álvarez.
- Detalles
- Escrito por evelb_admin
- Categoría: Cultura e educación
- Visitas: 699
A pasada semana, o Concello da Baña participou como representante español no acto de irmandamento co muncipio italiano de Nizza di Sicilia titulado Town Twinning "Bordering the possible overcome the stereotypes for migrant’s Integration”
En total, foron sete países, xunto co anfitrión
- Nagylóc Municipality (Hungría)
- Municipality of La Bana (España)
- Pavlikeni Municipality (Bulgaria)
- Birgu Municipality (Malta)
- Priekuli Municipality (Letonia)
- Freguesia de Buarcos (Portugal).
En adxunto podedes ver a descripción do proxecto e os resultados.
 Nizza di Sicilia Town Twinning Description EN.pdf | [ ] | 118 kB |
| Nizza di Sicilia Municipality info_template en.pdf | [ ] | 167 kB |
- Detalles
- Escrito por Alicentis
- Categoría: Cultura e educación
- Visitas: 1026
O vindeiro venres día 29 de marzo Manuel Vilar Álvarez presentará na antiga Escola de Seoane (Barcala) a súa obra “De Santiago a Muxía por Brandomil”. Esta guía do camiño que une Compostela con Muxía, pasando polo Concello da Baña, naceu co obxectivo de contar as historias que transcorren por esta parte do Camiño e axudar aos peregrinos. É unha guía pola ruta milenaria que pasa por Seoane, Fontecada, A Pereira, Antes, Baíñas e Berdoias.
Como apunta Manuel Vilar: "Estamos ao pé dun castro e ao pé dunha ponte de orixe romana. É dicir aquí se encontran inscricións que non se encontran noutros sitios, porque está nunha zona que controla a unha parte importante dunha mineiría que había aquí de metais preciosos, sobre todo de ouro, que era moi importante para Roma. Fixen un traballo, digamos de a pé, de falar con toda a xente maior, que cada vez hai menos, que nos conte contos e por exemplo aquí estamos sobre un camiño que dicían que si pisamos forte, pois os de abaixo protestan. Un xeito digamos de entender e interpretar a historia dunha maneira distinta ao que facemos actualmente e oficialmente".
O acto de presentación comezará ás 20.30 horas e intervirán José Andrés García Cardeso, alcalde da Baña, Mª Paz Gago Gómez, licenciada en Historia pola USC, Manuel Vilar Álvarez, autor do libro e Henrique Alvarellos Casas o editor.
Ao rematar, haberá un aperitivo.
- Detalles
- Escrito por Alicentis
- Categoría: Cultura e educación
- Visitas: 787
A asociación Nosos Aires e o Concello da Baña celebrou no mediodía deste sábado a súa II Festa da Música cunha especial homenaxe á muller traballadora. A parroquia da Riba recibiu á veciñanza da contorna no campo da festa da Carballeira, onde se habilitou unha carpa e se celebrou o xantar popular. O prato forte da celebración foi a homenaxe á muller do rural, que contou cunha exposición de ferramentas da época e co descubrimento dunha placa conmemorativa, que levou a cabo Carmen Ponte Liñares, unha veciña de 94 anos.
A II Festa da Música da Riba conmemorou este sábado a tradición musical da parroquia, que existe dende varias xeracións atrás e que perdura entre a veciñanza máis nova. Pero na Riba non só hai músicos, por iso este ano a troula contou cunha especial homenaxe á muller do rural. Esta figura que tamén segue presente hoxe en día é fundamental para comprender a historia desta zona do Concello da Baña. Por iso, Carmen Ponte Liñares foi a invitada de honra desta edición, xa que aos seus 94 anos reflexa perfectamente a figura da muller labrega que pasou moitas penurias durante o século XX.
Deste xeito, o presidente da asociación Nosos Aires, Pepe Ramos, dedicoulle unhas palabras de recoñecemento como posta en valor do patrimonio e dos valores do rural, que en moitos casos se transmiten a través das mulleres. Tras o pequeno discurso, Carmen descubriu a placa que estará xa para sempre na Riba recordando á muller labrega.
Tamén houbo unha exposición de fotografías, vestimenta e ferramentas da época que mostraron a cantidade e variedade de labores que levaba a cabo a muller do rural, dentro e fora do fogar. Na celebración non faltou nin o bo tempo, nin o xa tradicional xantar popular composto por pulpo á feira, carne ó caldeiro, bebida, sobremesa e café. As actuacións musicais animaron a troula e despediron a Festa da Música da Riba ata o vindeiro ano.
Album de fotos no facebook do Concello da Baña (neste enlace).