- Detalles
- Escrito por Alicentis
- Categoría: Deportes
- Visitas: 815
-
A carreira, non competitiva, sairá ás cinco da tarde da Praza do Concello
-
Anímase ás persoas participantes a acudir disfrazadas para cubrir un percorrido de catro quilómetros
O Concello da Baña despedirá o ano este 31 de decembro coa celebración da súa primeira San Silvestre, unha carreira de catro quilómetros non competitiva que se organiza coa idea de fomentar hábitos saudables combinando a práctica deportiva e a diversión. Por este motivo, anímase a todas as persoas participantes a que acudan disfrazadas á saída, programada para as 17.00 horas dende a Praza do Concello.
As persoas interesadas en correr esta I San Silvestre da Baña deberán inscribirse previamente mandando un correo a Este enderezo de correo está a ser protexido dos robots de correo lixo. Precisa activar o JavaScript para velo. ou un wasap ao número de teléfono 669 368 413. Nas súas mensaxes terán que facer constar nome, apelidos, DNI e número de teléfono. Os menores de 12 anos deberán correr na compaña da súa nai, pai ou un/ha titor/a.
Seguindo as recomendacións fronte a Covid 19, a saída efectuarase coa máscara posta e só poderá baixarse unha vez se logre manter a distancia interpersoal de metro e medio co resto das/os corredoras/es. Dende a organización da carreira, lembráselle ás persoas participantes que se aplicarán os protocolos de seguridade acordados polas autoridades sanitarias en función da evolución da pandemia e que terán que cumprir en todo momento coas recomendacións establecidas para eventos e actividades deportivas
- Detalles
- Escrito por Alicentis
- Categoría: Deportes
- Visitas: 651
-
Gozarán da estación de Valgrande-Pajares entre o 28 e o 31 de xaneiro
-
A inscrición realizarase nas oficinas do Concello ata o 14 de decembro
-
A viaxe inclúe traslados, aloxamento, manutención, clases de esquí e actividades
-
Os participantes pagarán 85 euros en concepto de inscrición
Catro mozas/os da Baña de entre 12 e 15 anos poderán participar na Campaña de neve promovida pola Deputación da Coruña na estación de Valgrande-Pajares, en Asturias. Para facer a solicitude, as persoas novas interesadas terán que cubrir a ficha de inscrición (pica aquí) e presentala no Concello da Baña. Teñen de prazo ata o martes 14 de decembro.
Os participantes no programa desfrutarán de catro días con aloxamento e manutención nun albergue a pé de pista e contarán con cursos de esquí e actividades complementarias. A Deputación asumirá a maior parte dos gastos, que inclúen transporte dende un punto de recollida na cabeceira da comarca, seguros, alugamento de material ou remontes na estación. As/os mozas/os, pola súa parte, terán que aboar un total de 85 euros como taxas de inscrición.
A campaña desenvólvese durante seis fins de semana. Ás mozas e mozos da Baña correspóndelle ir na terceira quenda, que se prolongará do 28 ao 31 de xaneiro. Entrarán na estación de Valgrande-Pajares o venres antes do xantar e deixarana o luns despois de comer.
No caso de que o número de solicitantes supere as cinco prazas dispoñibles, realizarase un sorteo no Concello no que terán prioridade quelas rapazas ou rapaces que non participaran anteriormente na campaña de neve.
No caso de que o número de solicitantes supere as cinco prazas dispoñibles, realizarase un sorteo no Concello diante da secretaria municipal no que terán prioridade aquelas rapazas ou rapaces que non participaran anteriormente na campaña de neve.
A información da campaña pode consultarse no apartado de Deportes da web da Deputación da Coruña ou picando nesta ligazón.
- Detalles
- Escrito por Alicentis
- Categoría: Deportes
- Visitas: 883
-
O venres 24 haberá unha exhibicion presencial de xadrez de 17.00 a 18.00 horas no polideportivo
-
O prazo de inscrición remata o martes 28 de setembro
As Escolas Deportivas municipais abren esta semana as súas portas para que o alumnado interesado poida coñecer e probar a ver se lle gustan as distintas modalidades que se ofertan neste curso 2021-2022. As probas realizaranse nos horarios e espazos nos que está previsto que se desenvolvan as clases ao longo do curso.
A estas primeiras clases sumarase o vindeiro venres, 24 de setembro, unha exhibición de xadrez, que terá lugar de 17.00 a 18.00 horas no polideportivo de San Vicenzo. Hai que lembrar que a actividade se vai desenvolver en liña durante o curso.
A inscrición nas Escolas Deportivas está aberta ata o martes 28 de setembro. Debe facerse cubrindo o formulario que se pode descargar na páxina web e, unha vez cuberto, remitíndoo por correo electrónico ao enderezo Este enderezo de correo está a ser protexido dos robots de correo lixo. Precisa activar o JavaScript para velo. xunto coa documentación requerida. Tamén se pode entregar na Concellaría de Deportes.
Os outros documentos que hai que cubrir e entregar son a domiciliación bancaria, a declaración responsable e a autorización de imaxe. Todos eles pódense descargar nos arquivos adxuntos, en formato PDF editable para poder cubrilos no ordenador e, de querelo así, remitilos á sede electrónica do Concello da Baña.
O prezo xeral de matrícula é de 60 euros por modalidade e temporada. Hai descontos por número de irmáns ou por asistir a varias actividades.
 Autorizacion_Imaxe.pdf | [ ] | 392 kB |
| Declaracion_Responsable.pdf | [ ] | 407 kB |
| Domiciliacion_Actividades_Baña.pdf | [ ] | 409 kB |
| Inscricion_Escolas_Deportivas_2021-22.pdf | [ ] | 549 kB |
- Detalles
- Escrito por Alicentis
- Categoría: Deportes
- Visitas: 764
-
A triplista Alba Cuns, campiona de España, liderará a participación de destacados deportistas da comarca
-
Desputaranse probas de velocidade, marcha, valos, lanzamento de peso, salto de lonxitude, triplo salto ou salto de altura
-
O certame diríxese aos escolares maiores de 8 anos coa idea de iniciar a actividade no municipio no caso de que haxa interese
O pavillón polideportivo de San Vicenzo da Baña abrirá as súas portas o sábado 23 de outubro para gozar dunha xornada de atletismo con deportistas da comarca que triunfan en diferentes especialidades. O obxectivo é amosarlles aos escolares bañenses que teñan cumpridos os 8 anos as múltiples posibilidades desta disciplina e, no caso de que houbera interese, incluíla entre as actividades deportivas ofertadas polo Concello.
No polideportivo desputaranse probas de velocidade, marcha, valos, lanzamento de peso, salto de lonxitude, triplo salto ou salto de altura. Participarán na exhibición a triplista Alba Cuns, campiona de España sub-18; Alba Pérez, terceira clasificada no campionato galego absoluto de marcha e quinta no nacional en ruta; Samuel Lema, subcampión autonómico de lanzamento de peso e campión de España por federacións; a marchadora Rosalía Moraig e o saltador de altura Gonzalo Cuns.
As competicións, abertas a todas as nenas e nenos con interese en probar as distintas especialidades atléticas, darán comezo ás 11 da mañá.
- Detalles
- Escrito por Alicentis
- Categoría: Deportes
- Visitas: 1005
-
Haberá xornada de portas abertas do 20 ao 24
-
O prazo para anotarse remata o 28 deste mes
O Concello da Baña abre o prazo de inscrición para participar nas Escolas deportivas municipais, que van comezar o vindeiro luns, 20 de setembro. As persoas interesadas en coñecer as diferentes disciplinas poderán acudir a practicalas nas xornadas de portas abertas, do 20 ata o venres 24. O prazo para matricularse remata o día 28 deste mes.
A excepción de patinaxe artísticas e fútbol sala, que se imparten un día a semana durante dúas horas, as demais modalidades ofértanse con dúas sesións semanais.
As Escolas deportivas da Baña desenvolveranse a partir das 15.45 horas ofertan este ano as disciplinas de xadrez (será en liña en horario por concretar), patinaxe artística (venres), baile moderno (martes e xoves), expresión corporal para menores e tamén para adultos (martes e xoves en horarios diferentes), karate (martes e xoves), pilates para adultos (luns e mércores), tenis de mesa (luns e venres), zumba para adultos (martes e xoves) e fútbol sala (os mércores).
A inscrición nas Escolas deportivas municipais da Baña debe facerse cubrindo o formulario que se pode descargar na páxina web e, unha vez cuberto, remitilo a través da sede electrónica do Concello ou remitindo a documentación por correo electrónico a Este enderezo de correo está a ser protexido dos robots de correo lixo. Precisa activar o JavaScript para velo. xunto coa documentación requerida. Tamén se poden entregar na Concellaría de Deportes.
O prezo da matrícula é 60 euros por modalidade e tempada, que se aboarán en 3 prazos (outubro, xaneiro e abril).
Cando unha persoa se matricule en dúas ou máis actividades pagará 90 euros (30 ao trimestre). No caso de familias, cando dous membros da unidade familiar se matriculen nunha actividade aboarán 99 euros (33 ao trimestre), e se se matriculan en dúas ou máis actividades o prezo será de 132 euros (44 ao trimestre). No caso de tres ou máis membros da unidade familiar nunha actividade, o prezo é de 120 euros (40 ao trimestre) e en dúas ou máis 150 euros (50 ao trimestre).
Ademais da ficha de inscrición debidamente cuberta, para formalizar a matrícula é preciso entregar tamén cubertas tanto a autorización de imaxe, como a declaración responsable e a domiciliación bancaria. Estes documentos pódense descargar nos arquivos adxuntos, en formato PDF editable, que facilitan cubrirlos no ordenador e poder remitilos, unha vez asinados, á sede electrónica do Concello da Baña.
| Escolas_Deportivas_autorizacion_imaxe | [ ] | 392 kB |
| Declaracion_responsable_escolas_deportivas | [ ] | 407 kB |
| Escolas_deportivas_domiciliacion_bancaria | [ ] | 409 kB |
| 20210913_Ficha_inscricion_Escolas_Deportivas_Baña | [ ] | 549 kB |