- Detalles
- Escrito por Alicentis
- Categoría: Servizos sociais INICIO
- Visitas: 900
- O Concello está a programar os campamentos urbanos do verán
- Cubre enquisa neste enlace: https://forms.gle/TSmEKnVWq4Y3D4QC7
O Concello da Baña preparou unha enquisa para distribuír entre as familias coa finalidade de coñecer cales son as demandas de conciliación que precisan este verán e poder, así, organizar os campamentos urbanos de xullo e agosto de xeito de acordo con estas necesidades.
A enquisa debe cubrirse nun formulario en liña no que se solicitan datos ás familias para coñecer cantos nenos e nenas de 3 a 14 anos estarían interesados en participar nos campamentos urbanos, que se desenvolverán por quincena durante os meses de xullo e agosto.
Unha vez coñecidas as necesidades das familias tentarase organizar as actividades para que beneficien a un maior número de persoas.
A enquisa pódese cubrir no seguinte enlace: https://forms.gle/TSmEKnVWq4Y3D4QC7
- Detalles
- Escrito por Alicentis
- Categoría: Servizos sociais INICIO
- Visitas: 872
O prazo para solicitar a renovación da praza ou o novo ingreso no curso 2020-2021 no Punto de Atención á Infancia (PAI) da Baña, que fora paralizado como consecuencia do estado de alarma, reabre o vindeiro luns, día 1, e ata o 7 de xuño, ambos incluídos. Pódense presentar as solicitudes de matrícula dos menores con idades comprendidas entre os 3 meses e os 3 anos.
A presentación de solicitudes e documentación complementaria realizarase preferentemente de xeito telemático. Os modelos de solicitude que hai que cubrir achéganse nos anexos desta nova, así como un tutorial de como facer esta tramitación na sede electrónica municipal. En caso de dúbidas ou dificultades para seguir o proceso en liña, poden dirixirse á educadora familiar concertando unha cita previa no número de teléfono 981 817 605, en horario de 9.00 a 14.00 horas.
Cun total de 20 prazas, o PAI da Baña ofrece atención educativa e atención ás necesidades básicas da infancia, á vez que favorece a conciliación da vida laboral e familiar. As familias poden optar por utilizar o servizo en réxime de media xornada (ata 4 horas) ou de xornada completa (de 4 a 8 horas). Cómpre salientar que non se fai discriminación de tarifa por horas, senón por tipo de xornada.
O centro ten un horario que vai das 7.45 ás 15.45 horas de luns a venres, se ben este horario está suxeito a modificacións en función das necesidades das familias. Canto aos horarios das crianzas, os nenos e nenas poden entrar no centro ata as 10.00 horas; aqueles que non comen no PAI teñen que saír antes das 13.00 horas; e, finalmente, a hora de recollida dos que si comen no centro é a partir das 14.30 horas.
 Anexo I: Solicitude de matrícula no PAI | [Anexo I: Solicitude de matrícula no PAI] | 141 kB |
| Anexo II: Solicitude de matrícula no PAI | [Anexo II: Solicitude de matrícula no PAI] | 281 kB |
| Instrucións da Sede Electrónica | [Instrucións da Sede Electrónica] | 470 kB |
- Detalles
- Escrito por Alicentis
- Categoría: Servizos sociais INICIO
- Visitas: 746
O Concello da Baña, seguindo as recomendacións das autoridades competentes e da actualización do Protocolo de actuación conxunta da Consellería de Política Social e da Consellería de Sanidade, paraliza o prazo de matrícula no Punto de Atención á Infancia (PAI) para o curso 2020-2021.
Unha vez remate o estado de alarma decretado polo Goberno central e se normalice a situación no país, dende o Concello estableceranse as novas datas para solicitar praza ou reservar a existente e presentar toda a documentación.
Por outra banda, e segundo o mencionado protocolo da Consellería de Política Social, tamén se pechan as unidades de atención temperá, polo que a unidade conxunta de Santa Comba e a Baña estará pechada ao público ata novo aviso.
- Detalles
- Escrito por Alicentis
- Categoría: Servizos sociais INICIO
- Visitas: 970
O Concello da Baña, a través do Departamento de Servizos Sociais, pon en marcha un servizo de apoio emocional, social e familiar para afrontar a situación actual, dirixido a aqueles veciños e veciñas que consideren que precisan orientación ou axuda.
As persoas interesadas en beneficiarse deste novo servizo serán atendidas con cita previa, preferentemente de forma telefónica, aínda que se é preciso a atención pode ser presencial, gardando as medidas hixiénico-sanitarias. O horario do servizo é de 9.00 a 13.00 h os luns, mércores e venres, na casa da cultura da Baña. Para solicitar cita previa, o teléfono de contacto é o 981 817 605. Tamén se pode pedir por correo electrónico, no enderezo Este enderezo de correo está a ser protexido dos robots de correo lixo. Precisa activar o JavaScript para velo..
Por medio da escoita activa e da empatía, este servizo de apoio ofrece estratexias para afrontar as dificultades polas que están a pasar aquelas persoas que están soas, non teñen con quen falar, non se senten ben, teñen dúbidas sobre a educacións dos seus fillos e fillas, están sobrecargadas ou teñen algún tipo de preocupación, por citar algúns exemplos. Servizos Sociais busca achegar solucións adaptadas a cada persoa ou situación.
| Cartel: Servizo de apoio | [Cartel: Servizo de apoio] | 367 kB |
- Detalles
- Escrito por Alicentis
- Categoría: Servizos sociais INICIO
- Visitas: 960
O Concello da Baña pon á disposición das persoas dependentes residentes no municipio un servizo de entrega a domicilio de alimentos, medicamentos e produtos de primeira necesidade. O alcalde, José Antonio Pereira Gil, vén de asinar un bando no que se garante apoio extraordinario a quen estea nesta situación e mentres dure o estado de alarma decretado polo Goberno central.
Para acceder ao servizo de entrega a domicilio destes produtos indispensables para o día a día, hai que chamar ao teléfono 981 886 501, en horario de 9.00 a 14.00 h, de luns a venres. Poderán acceder a el as persoas que se atopen nunha situación de especial vulnerabilidade.
O Concello, que pon en marcha esta iniciativa para garantir o benestar da veciñanza nestes momentos difíciles, chama a facer un uso responsable deste servizo, para que se poida chegar realmente ás persoas que máis o precisan.